VOV4.M’nông: Măng 27/3, ta Quảng trường Đinh Tiên Hoàng Đế, n’gor Ninh Bình ƀư nau nkah 200 năm săk ntơ Ninh Bình ndrel 30 năm ndâk n’gor. Ntoh măt rđau kan Đảng, Ngih dak, wa Võ Văn Thưởng, Uỷ viên Bộ chính trị, Rnâng kan Ban Bí thư rhơn, rnê prêh ăp nau tă geh dơi ma Đảng bộ, n’gâng kan ndrel ƀon lan n’gor Ninh Bình hŏ tă dơi geh tâm ăp năm rlau aơ. Nkah 200 năm săk ntơ Ninh Bình ndrel 30 năm ndâk n’gor lah rnôk gay Đảng bộ ndrel ƀon lan n’gor Ninh Bình.

Nkah tay trong lĕ ƀư kan hŏ rlau, njêng păng jêng n’hâm dăng, nau kan bah ăp rmôt đảng, cán bộ, đảng viên ndrel ƀon lan Ninh Bình tâm trong hăn dăch tât, nsôih tât năm 2030, Ninh Bình jêng n’gor hun hao âk tam nkuăl Đồng bằng sông Hồng. Wa Võ Văn Thưởng lah rjăp, Ninh Bình ân geh ƀư ân săk tam ueh nau dơi geh, nau dăng, nau kan bah nơm, ngăn lah nau nthoi ƀư nkuăl Bắc Bộ, Trung Bộ ndrel Tây Bắc, tâm puăn n’gor hun hao văng sa Hà Nội-Hải Phòng-Quảng Ninh-Thanh Hoá./.

Nŭih rblang: H’Thi