VOV4.M’nông: Ôi lơ 19/1, ta ntŭk kan Trung ương Đảng, Rnâng kan rđau nau kan Trung ương rƀŭn lôch nau ntrŭnh mrô 26 ƀư rơh rƀŭn lam dak rgop nau mpeh nau mbơh lôch nau ƀư nau ntrŭnh mrô 26 bah Rnâng kan rđau kan Trung ương gưl 10 mpeh nau kan tuch tăm, ƀon lan. Tâm nar rƀŭn, ăp ntoh măt ntoh nau tâm ban mpeh nau nchrăp mbơh tât ăp nau dơi jêh rlau 13 năm ƀư nau ntrŭnh hŏ geh kơl an tâm nau kan tuch tăm, ƀon lan ndrel tât đah văng sa, rêh jêng bah neh dak. Tĭng nê, nau kan hun hao tuch tăm geh rnoh prêh 2,94%. Rnoh geh tăch luh ndơ si gle, tui ka hao âk 8,17%/năm. Bôk nau kan nkô̆ nau neh dak ndâk njêng ƀon lan mhe lôch jêh lor du năm n’gul. Bah nau tâm nchră, du đê̆ nau rgop bah nkuăl tuch tăm, ƀon lan dak nơm hôm âk nau kol, nau ê dơi kơt nau hun hao nau kan tuch tăm mbrơi, ê nâp. Nau ndâk njêng ƀon lan mhe hôm mâp âk nau jêr, nkol. Nau geh bah ƀon lan hôm dêh đah ăp nkuăl ƀon lan ndrel nkuăl têh hôm prêh./.

Nŭih rblang: H’Thi