VOV4.M'nông: Ôi 22/6, ta Hà Nội, Rnâng kan Ban Bí thư Trung ương Đảng ƀư Tâm nchră an tĭng ƀư nghị quyết mbrô 15 nar 5/5/2022 bah Bộ Chính trị mpeh trong rƀŏng, nău kan hun hao Thủ đô Hà Nội tât năm 2030, uănh ngai tât năm 2045. Lah rđău đă ta rnôk tâm nchră, wa Võ Văn Thưởng lah rjăp, Nghị quyết 15 hŏ nkoch kloh nău mĭn, rnoh tât kan, nău dơn kan, trong nkra tơm gay hun hao thủ đô Hà Nội tât năm 2030, uănh ngai tât năm 2045,  nsing kalơ nău rgop bah ăp n'gâng kan, ăp n'gor nsŏng kơl ta rnôk tâm nchră, wa Võ Văn Thưởng dăn đă, Đảng bộ, nkual ƀon Hà Nội ân leo ƀư an cán bộ đảng viên n'hanh ƀon lan gŭ mĭn kơt nti, mbơh gĭt jru nkô̆ Nghị quyết, ntrôl dăng pah kan nkoch trêng nău lư đah âk mpưm trong ƀư, lôch nê n'hao prêh n'hanh tâm ban ŭch mpeh ntŭk gŭ, nău khlay kan hun hao Hà Nội ăp năm tât. Bah meng nê, Nkual ƀon têh ân rgum suan dăng mât dŏng săk geh, dơh uĕh bah thủ đô nkre đah tơm ndơ bah lam dak n'hanh  tơm ndơ dak bah dih rdâk njêng n'hanh  hun hao thủ đô gĭt blău di lah ntŭk rgum tơm bôk rngok chính trị neh dak, play nuih bah lam dak./.

Nuĭh rblang: Điểu Thân