Lơ 28/8/, Uỷ ban MTTQ Việt Nam n’gor Dak Lak ƀư đại hội ntoh măt tal XV, năm kan 2024-2029. Đah nuih n’hâm “Tâm rnglăp-ƀon lan ƀư tơm-ƀư nau kan têh-rgâl mhe-hun hao”, đại hội hŏ nchrăp luh nkô̆ nau, nau kan khlay tơm gay n’hao nau tâm ban tâm nau rêh, ƀư ueh n’hâm dăng tâm rnglăp lam rnoi mpôl. Tĭng nau mbơh ta Đại hội, tâm 5 năm rlau aơ, nau kan bah MTTQ Việt Nam ăp gưl ndrel ăp ntŭk kan nsum bah n’gor Dak Lak geh âk nau rgâl mhe, mât nau kan tơm tâm ăp ntrong ndrel nau kan chính trị rêh jêng.

Đại hội hŏ tâm ban tâm nchră săch 93 nŭih uỷ viên Uỷ ban MTTQ Việt Nam n’gor Dak Lak gưl XV, năm kan 2024-2029. Wa Y Giang Gry Niê Knơng hŏ geh săch ƀư tay Kruanh Uỷ ban MTTQ Việt Nam n’gor năm kan mhe. Wa Y Giang Gry ntoh nau, tâm rơh tât, MTTQ ăp gưl tâm Dak Lak lŏ rgum n’hao nau nâp, nau săk tam mêt uănh ndrel nau mbơh nkoch tâm nau rêh, ƀư ueh nuih n’hâm kan ndrel n’hao nau tâm rnglăp tâm kơl./.