Ôi 8/6, ndơn măt Chính phủ, ta Rơh rƀŭn Quốc hội, Groi Thủ tướng Lê Minh Khái nkoch mbơh nu nău wăng sa-rêh jêng khay 5 năm 2023. Tĭng nău mbơh, wăng sa têh khlay đăp mpăn; ntoh hao khlay dơi uănh nđôi; jâng wăng sa tâm ban đăp mpăn. Ăp nău kan văn hóa, rêh jêng, ntŭk ntô gŭ âm, mât njrăng bri dak, rnă njrăng, tâm rnglăp nchră nău bah dih dơi uănh khlay, n’hao tay.

Nău mpeh rnă njrăng rêh jêng, pah kan, nău kan dơi đăp mpăn. Lơn lah, đah nău rgâl nkra hành chính, aơ lah du nău kan khlay, dơi Chính phủ, Thủ tướng Chính phủ rgum ntĭm rđău n’hanh ăp n’gâng kan nău kan, ƀon lan ƀư tĭng geh săk rnglăy dơi djôt dơn. Năm tât, Chính phủ ntĭm rđău tay rgum kơp uănh, koh n’hŭch, ƀư dơh sam ƀŭt hành chính, ngăn lah ăp nău ntrŭnh dôl nking n’gang đah nkra njêng tăch rgâl; đă ƀư tĭng rjăp nău uănh lah ntrŭt, uănh năl nău ntrŭnh mpeh sam ƀŭt hành chính.