“Nô nău wăng sa – rêh jêng kon nuĭh bah neh dak tâm 6 khay aơ hŏ geh ăp nău dơi uĕh, wăng sa têh đăp mpăn, ăp nău tâm rlak tâm ban têh dơi đăp mpăn, hao khlay ndơ dơi mât kân ta rnoh tâm di”. Aơ lah nău lư ta Tâm nchră báo cáo viên khay 7/2023, tă bah Ban Tuyên giáo Trung ương ƀư ôi 12/7, ta Hà Nội. Thứ trưởng Bộ Kế hoạch n’hanh Đầu tư Đỗ Thành Trung an gĭt, GDP 6 khay bôk năm hao 3,72%, đêt rnoh 2 tâm ăp rơh 2011-2023.

Yơn lah, bah năp lam ntŭr neh hôm âk jêr jŏt, wăng sa dak he an saơ ăp nău mpơl nsrôih uĕh, mât kân dơi ta rnoh tâm di. N’gluh tơm prăk ntuh kơl bah ngân sách ngih dak dơi rgum ntrôl dăng tay, njêng suan ntrôl an hun hao wăng sa…Yơn lah, nău kan tăch n’gluh n’glăp nha hôm tâm rdâng đah âk jêr jŏt đŏng tă bah âk dak tĭng ƀư trong mât kân lhăt prăk kaih ƀư hŭch dŏng ndơ... mpeh trong nchrăp an 6 khay kêng dŭt năm, lah ân ƀư ngăch geh nău  tam lơn đŏng ăp trong nkra, gay rdâk tay n’hanh ntrôl dăng sĭt hao tay wăng sa. Ta tâm nchră đŏng, ăp đại biểu djăt Ban Đối ngoại Trung ương nkoch way nkô̆ “Nô nău lam ntŭr neh nkual, tâm boh dak bah dih bah Việt Nam tâm 6 khay aơ n’hanh nchroh nô nău 6 khay kêng dŭt năm”.