VOV4.M’nông: Pháp lệnh kơl an đah nu\ih geh n’hâm đah cách mạng (rgâl nkra), geh ăp nu\ih kan tâm Uỷ ban rnâng kan Quốc hội nchră tâm rơh r[u\n mhe rlau. Ăp ntoh măt đă, mât ân rjăp 12 rmôt nu\ih geh kơl an nu\ih geh n’hâm ti\ng pháp lệnh a[aơ. Nkre lah, mui\n rjăp mpeh nau dơi geh kơp dơn lah liệt sĩ tâm rơh đăp mpăn.

Uỷ ban Rnâng kan Quốc hội lah rjăp, nau kan kơl an nau kơl an, pháp lệnh mpeh nau kơl an nu\ih geh n’hâm đah cách mạng gay [ư ân rjăp nau mi\n “[ư ân ueh nau kơl an đah nu\ih ndrel rnăk vâl nu\ih geh n’hâm đah neh dak”, “mô rlu rgâl mhe, n’hao prêh nau rêh drăp ndơ ndrel nuih n’hâm bah nu\ih geh n’hâm”. Kruanh Uỷ ban văn hoá, Nti\m nti, Druh ndăm, kon se bah Quốc hội Phan Thanh Bình ân lah:

‘Tâm rơh mhe phung he geh anh hùng, liệt sĩ, ân [ư kloh nau kan aơ, tơn nau kơp dơn nu\ih anh hùng liệt sỹ ndrel nau kơl an. Mẹ Việt Nam janh dăng, phung he geh 132 rbăn, yơn a[aơ ri hôm rêh ê tât 13 rbăn nu\ih. Gâp mi\n đah me ri mât chăm ân ueh, mô dơi kơp du hê kon mô lah 2 hê kon. Ma ăp nu\ih me nê le\ ranh hôm. Ndrel rnôk đah nau kan aơ ri phung he [ư ueh nau kơl an, uănh ta aơ mô di lah nau kơl an, lah nau kơl, ma ta aơ phung he ân geh mât chăm ân ăp nu\ih ho\ tă geh nau rgop kơl an neh dak”

Ăp nau rgop dă, ntop tay nau kơl an bảo hiểm y tế ndrel rnôk leo tâp đah nu\ih lah ur mô lah sai liệt sĩ gu\ ur sai mhe, nau rgop êng ri đă ntop tay kơl prăk tâp đah nu\ih geh nau rêh jêr jo\t. Nkre ân geh ntop tay nau kơl an êng kơt lah nau mât rong, kơl an mpeh ngih gu\ đah ur mô lah sai bah tahen liệt sĩ mô geh gu\ ur sai mhe. Kruanh Quốc hôị Nguyễn Thị Kim Ngân ân gi\t:

‘Gâp tâm di đah nau kan lah đah ur mô lah sai bah liệt sĩ ho\ gu\ ur sai mhe jêh ri hôm răk kon ân tât têh ndăm ndrel mât chăm răk rong me mbơ\ tahen khi\t kăl ri phung he mra pơk kơl an tay đah bảo hiểm y tế. Gâp saơ geh nau tâm di ndrel bu ko\ dôl ma đă nau aơ gay ma mi\n tât nau kan aơ u\ch geh bảo hiểm y tế”.

Ta rơh r[u\n mhe rlau, ăp nu\ih kan tâm Uỷ ban Rnâng kan Quốc hội ko\ đă, mât tâm rmôt 12 ntil nu\ih geh kơl an lah nu\ih geh n’hâm ti\ng pháp lệnh mhe, ê geh ntop tay nau kơl an đah rơh tal 3 geh ntưp dak si khih điôxin. Nkah tât nau kan aơ gay mâ ân rjăp, der nau roh hoach khuch khat ndrel ndăn tâm nau kơl an, Kruanh Uỷ ban Tơm prăk bah Quốc hội Nguyễn Đức Hải đă:

“A[aơ kônh wa tâm ăp ntu\k geh nau mi\n rvê mpeh nau mât nau kơl an đah ăp nu\ih geh ntưp dak si khih Đĩôin ndrel đă geh nau kơl an đah druh ndăm xung phong. Lah phung he mô geh uănh tay rjapư ri mra geh nau khuch. Ân geh uănh ân tâm di geh tât nkuăl gu\, geh nau mbơh mpeh ăp nau kan ma nơm mô ân ri ho\ saơ đo\ng nau ndăn tâm nê geh ma sa keh tă bah nau kan aơ. Lah saơ geh ntu\k bu [ư nau kan ri nơm nkhôm, hôm nu\ih sa keh ri nơm mhal ân rjăp ngăn”.

Mpeh nau dơi geh kơp dơn liệt sĩ, Uỷ ban Rnâng kan Quốc hội ko\ tâm di nau đah nau nchrăp pháp lệnh ntru\nh mpeh ăp nu\ih “Ngăn lah nau janh săk [ư ăp nau kan geh nau jêr ngăn, nau ndal gay ma kơl nu\ih, kơl drăp ndơ bah Ngih dak, [o  lan…nau aơ geh nau khlay gay ma rnê ryơk, nti\m nti, rêng tre\ tâm nau rêh. Rgop nau mpeh nau kan aơ, Kruanh Quốc hội Nguyễn Thị Kim Ngân lah rjăp:

‘Gâp saơ lah ân geh mi\n rvê ân rjăp nau kan geh tât nau mi\n nkô| nau geh kơp lah liệt sĩ khi\t tâm rnôk tâm lơh ri ngăn lah a[aơ tâm rnôk ho\ geh đăp măn aơ lah nơm mô geh [ư ân rjăp, ăp nu\ih ko\ đă. Bol ma moh nau roh hoach ri nơm ko\ geh đă kơp dơn lah liệt sĩ ri ân geh nkah tay. Gâp saơ lah nau geh janh dăng ngăn rnôk [ư ăp nau kan geh nau tât jêr gay ma kơl an nu\ih, kơl an drăp ndơ bah nu\ih [on lan ri ăp nu\ih nau kơl an ân neh dak geh nau dơi ryơk, nti\m nti dnrel rup gui bah nau roh hoach nê păng rêng lam tâm nau rêh”.

Kruanh Quốc hội đă mât ân rjăp rnoh kơl an gay ma kơl an Mẹ Việt Nam janh dăng geh dơi đăp mpăn ân nau rêh, mô geh tâm nkhah rnoh nu\ih kon le\ khi\t lah liệt sĩ. Đă n’hao rnoh kơl an rnôk [ư ôp brah liệt sĩ. Nkre lah, Rnâng kan nchrăp uănh ân geh [ư ân kloh nu\ih geh ndơn Huân chương ndrel Huy chương ndrel jao Chính phủ ntru\nh ân rjăp./.

Nu\ih rblang: H’Thi