VOV4.Mnông- Ndơn kan an Thủ tướng Chính phủ, groi Thủ tướng Chính phủ Lê Văn Thành mhe ký ntrŭnh Chỉ thị 26 nar 21/9/2021 mpeh nău ntrôl pah kan, hăn nsong, tăch rvăt n’hanh tăch an dak bah dih bum mbo tâm rnôk njrăng, rdâng nuh srê Covid-19. Tĭng nĕ, Thủ tướng Chính phủ đă n’gâng kan tuch tăm mât rong n’hanh hun hao ƀon lan n’hanh ăp ntŭk mbơh ƀư tâm ban ăp ntrong kan mât đăp mpăn mô geh tăch proăt nău kan tuch tăm, tâm di tŏng ăp ndơ dŏng an tâm dak n’hanh nkret ƀư, tăch an dak bah dih tâm ăp nău. N’gâng kan công thương ntĭm đă ăp ntŭk lĕ dơi mât njrăng nuh srê pơk tay ntŭk tăch ndơ way ơm, ntŭk tăch ndơ bôk tơm gay ma ngăch pă ndơ an nuĭh ƀon lah, tâm rgop đah ăp n’gâng kan ntŭk kan ntrôl pơk ntŭk tăch rgâl tăch ndơ an dak bah dih bum mbo tât Trung Quốc. N’gâng kan mât ntung trong mât đăp mpăn trong hăn soih aih ta lam dak, nta nău dơh nơih an nău nchoăn rdeng bum mbo, ndơ dŏng kơl an pah kan tuch tăm n’hanh tăch rvăt ndơ, tăch an dak bah dih ndơ bum mbo. Ăp ntŭk mbơh tơih ngăch Nghị quyết bâh chính phủ mpeh kơl an doanh nghiệp, hợp tác xã, kơl an rnăk pah kan tăch rgâl tâm rnôk nuh srê Covid-19, mât đăp mpăn nău kan njrăng, rdâng nuh srê ta ntŭk an tâm di đah nău ngăn ta ntŭk.

Nuĭh rblang: Thị Đoắt