VOV4.M’nông: Thủ tướng Chính phủ mhe ntrŭnh nau đă ăp N’gâng kan, ntŭk kan bah ăp nkuăl mât nâp, đăp mpăn trong hăn tâm rơh tết năm mhe, Tết Nguyên đán Nhâm Dần ndrel Lễ hội Xuân năm 2022. Nau ntrŭnh mbơh đă Uỷ ban đăp mpăn hăn trong neh dak, ăp N’gâng kan, ntŭk kan, ăp rmôt kan chính trị, rêh jêng ndrel Uỷ ban nhân dân ăp n’gor, nkuăl ƀon têh tâm Trung ương ndăn tâm nau kan, nau dơi, nau rđau ndrel ƀư ân ueh ăp nau kan, ntrong nkoch trêng, mbơh nau ntrŭnh bah pháp luật, ntĭm nau blau mpeh đăp mpăn hăn trong ndrel njrăng rdâng srê Covid-19 rnôk hăn trong ân nŭih ƀon kan, ƀư rơh hăn mêt uănh, nkân njrăng, rklaih nau tih bah pháp luật mpeh nau đăp mpăn hăn trong ntơm lơ 11/15/2021 tât lôch lơ 14/02/2022; ndâk ăp nau kan nchuăn rdeng tâm rơh tết ân tâm di, mêt uănh nau tŏng nâp bah ăp nau kan gung trong, ndrel geh nau dơi pă rmôt nŭih, ndeh, ndơ dŏng tâm ngih dak si, dak si săm ji ndrel mha, gay ma đăp mpăn ueh ngăn tâm nau săm nŭih prah tâm tom ndeh, n’huch nau khuch tât nŭih rnôk tâm tom ndeh./.

Nŭih rblang: H’Thi