VOV4.M’nông: Tâm rơh rlau aơ, nau kan ân manh prăk tâm n’gor Dak Nông mro geh [ư nâp ueh, kơl an nu\ih ach o ndrel ăp nu\ih geh kơl an geh tay tơm prăk ân nau pah kan jan sa, n’hao nau rêh. Bah nê, rgop nau [ư nau kan ueh nâp tâm nkô| nau n’huch ach o nâp nâl, ndâk njêng [on lan mhe, đăp mpăn nau rêh jêng tâm nkuăl.

            Ăp năm rlau aơ, rnơm geh manh ăp tơm prăk kơl an bah Jrâu kan Ngân hàng Chính sách xã hội nkuăl Dak Nsong ho\ kơl an rnăk wa Đinh Thị Vinh tâm thôn 7, xã Dak Ndrung, hun hao văng sa rklaih luh ach o nâp nâl. Êp nê, ntơm tơm prăk manh bah Ngân hàng chính sách xã hội hôm kơl an rnăk wa geh to\ng nau dơi ân oh kon hăn nti, ntuh kơl ndâk nkra ngih ăch chrach, ntu\k dak do\ng kloh gay n’hao nau rêh ueh. Ngăn lah tâm ăp khay bôk năm 2020 yor tơm tiêu khi\t, rnoh cà phê jur thuk ndrel srê Covid-19 ho\ [ư rnăk wa Vinh mâp âk nau jêr. Du\t khay 6 năm 2020, wa Đinh Thị Vinh, geh Ngân hàng chính sách xã hội nkuăl ân manh 70 rkeh. Tơm prăk manh năn kơl an rnăk wa rlet rlau nau jêr ndrel geh tơm prăk gay ntuh kơl tăm tơm tăm nsum ma nau rong be gay geh tay prăk:

            ‘Rnoh tăch rgâl mô geh tâm ban, mâp âk nau jêr ri rnơm tơm prăk bah ngân hàng chính sách ho\ pơk trong nơih ân rnăk vâl mât chăm tơm tăm, mô kâp hăn manh bah dih yor ri ma mâp nau nơih ueh ngăn. Ngân hàng kơl an kônh wa ngăch lơn, rđil đah ăp ngân hàng êng ri rnoh prăk kon dêh lơn gay kônh wa mra dơi tuch tăm leo nau văng sa hao lơn”.

            Nkuăl Dak Nsong a[aơ geh bơi tât 20 rbăn rnăk đah 23 rnoi mpôl ndrel gu\ rêh, tâm nê kônh wa rnoi mpôl đê| geh rlau 17%. Tâm ăp nau kan chính trị bah nkuăl, Đảng bộ nkuăl Dak Nsong năl lah n’huch ach o lah nau kan khlay. Gưl uỷ, N’gâng kan ăp gưl tâm nkuăl ho\ ntru\nh ăp bôk nau kan, nau kơl an ân nu\ih ach o hun hao tuch tăm, pă kan pah, rlet rklaih ach o, rnoh rnăk rnăk ach o n’huch bah ăp năm. Tâm nê, tơm prăk ngân hàng chính sách xã hội lah nau kan khlay gay [ư geh nau dơi ăp nau kan.

            Ti|ng nê, tât rnôk aơ, rnoh prăk manh bah Ngân hàng chính sách xã hội nkuăl Dak rlâp geh rlau 400 rmen, đah rlau 12.600 nu\ih ach o manh. Tâm nê, ăp nau kan kơt lah: Rnăk ạch o, bơi ach o, rnăk [ư nau kan tăch rgâl tâm nkuăl jêr jo\t, dak kloh ndrel răk ntu\k ntu gu\ âm ndrel ngih gu\ ho\ geh ăp nau ueh tam. Tơm prăk manh mô knu\ng rgop nau ndrel ăp nkuăl jut n’hcuh ach o ma hôm rgop nau kơl an ăp rnăk ach o ndrel ăp nu\ih geh dơi kơl êng ho\ geh to\ng nau dơi ân oh kon hăn nti, pă kan pah đăp mpăn, ndâk ngih, ntu\k dak kloh…Wa Phạm Quang Nam, Groi Kruanh UBND xã Nâm Njrang, nkuăl Dak Nsong, n’gor Dak Nông ân gi\t, tơm prăk Ngân hàng chính sách xã hội ho\ rgop nau kơl an [ư geh nau dơi ăp nau kan văng sa:

            ‘Nau săk tam tă bah tơm prăk bah ngân hàng chính sách tâm nau [ư nau ntru\nh Đại hội đảng bộ tă bah bôk nau kan ri phung hên ko\ uănh năl nau n’huch dơi rnoh ach o. Ntơm bôk năm kan, ti\ng nau kơp ri rnoh rnăk ach o lah nklăp rlau 5% ndrel bơi ach o lah nklăp 7%. A[aơ ri rnăk ach o hôm 3,5% ndrel rnăk bơi ach o rlau 4%. Mra dơi saơ nau kan bah ngân hàng chính sách geh năl lah ueh ngăn tâm nau n’huch ach o nâp nâl tâm nau hun hao tuch tăm”.

            Jêh rlau 10 năm [ư ndâk njêng [on lan mhe, nkuăl Dak Rlâp ho\ to\ng nau dơi jêh lôch nau dơi [onnlan mhe. Geh nau dơi kơt aơ, ko\ geh nau rgop tơm prăk bah ngân hàng chính sách xã hội, ngăn lah tâm nau dơi mrô 10 mpeh nau geh bah [on lan, nkô| nau mrô 11 rnoh rnăk ach o.

            Wa Vũ Hùng Đào, kruanh rmôt ân manh prăk ta thôn 2, xã Dak Wer, nkuăl Dak Rlâp, n’gor Dak Nông nkoch:

            ‘ Ntơm rnôk geh Ngân hàng chính sách xã hội kơl an ân rnăk ach o ko\ kơt lah bôk nau kan dak kloh, răk ntu\k ntu gu\ âm ndrel tơm prăk manh ri bah năp nơh rmôt phung hên geh rnăk ach o lah 12 rnăk, bơi ach o lah 5 tât 6 rnăk ntơm nar geh tơm prăk manh bah ngân hàng chính sách xã hội ri ho\ pơk trong nơih ân kônh wa hun hao ueh lơn. N’huch ach o, jut n’huch ach o yor ri ma jâng văng sa ueh lơn”.

            Ti\ng wa K’Ngai, Giám đốc Jrâu kan ân manh prăk bah Ngâbn hàng chính sách xã hội nkuăl Dak Rlâp, a[aơ rmôt kan dôl ma ntru\nh 11 bôk nau kan ân manh prăk đah rnoh rlau 355 rmen, đah rlau 9000 nu\ih dôl manh. Ăp năm rlau aơ, nau kan ân manh prăk tâm nkuăl Dak Rlâp ho\ rgop kơl an ueh tâm nau hun hao văng sa, rêh jêng, ndâk njêng nau rêh mhe, đăp mpăn nau rêh. Rnơm ndri ma tâm năm 2015-2020, tơm prăk ân manh ho\ kơl an nkuăl Dak Rlâp [ư geh âk nau ntru\nh nchrăp luh. Tâm nê, gẹh 10/14 nkô| nau mpeh hun hao văng sa, rêh jêng, neh dak, rnă njrăng nchrăp luh. Tâm nê, âk ngăn lah nau geh bah du hê bôk nu\ih tâm nkuăl geh rlau 60 rkeh/năm:

            “Tâm năm kan rlau aơ, Đảng bộ ndrel [on lan nkuăl Dak rlâp ho\ [ư jêh âk nau kan mpeh ndâk njêng văng sa rêh jêng ndrel rnă njrăng neh dak geh mât nâp. Tâm nê nau kan jut n’huch ach o ndrel n’huch ach no nâp nâl ri tâm nê geh Ngân hàng chính sách ko\ geh nau rgop tâm nau hun hao nsum bah n’gor, ngăn lah nau kan n’huch ach o” ./.

          T^ng Ngân hàng CSXH n’gor Dak Nông, tât a[aơ, ntu\k kan le\ kơl an 17.800 rnăk ach o, rlău 8.000 rnăk êp ach o n’hanh 8.130 rnăk mhe rkalaih ach o dơi manh prăk kơl an, geh rlău 51% d^ng le\ nkah rnon. Tâm 5 năm bah năp, tơm prăk kơl an le\ rgop bơi 100 rbăn nău kan ntơm đăp mpăn an nu^h [on lan, kơl an rlău 15.600 rnăk ach o hao rklaih luh ach o. knơm ne\ le\ ndơ\ rnoh rnăk ach o ta n’gor hu\ch bah 19,2% năm 2015 jur hôm 10,5% năm 2019. Nchrăp tât du\t năm 2020, rnoh rnăk ach o hu\ch bah dâng 7%. Nău tâm ôp đah wa Nguyễn Tiến Hà, Groi kruanh Ngân hàng CSXH ta n’gor Dak Nông mbra [ư kloh lơn mpeh nău mbơh [ư, ntop kơl ăp rmôt nu^h manh prăk kơl an. Jă kônh wa kâp gu\ djăt.

- Tâm năm aơ Chi nhánh Ngân hàng CSXH n’gor Dak Nông le\ mbơh [ư tơm prăk manh tât đah ăp nu^h dơi kơl m’hâm mêh wa ?

Wa Nguyễn Tiến Hà: T^ng nkô| nău rnoh an, trong nchrăp an manh năm 2020 ri chi nhánh le\ mbơh, tâm ôp tâm nchră an UBND n’gor an rnoh an ăp ntu\k kan ntơm [ư jêh sam [u\t rhăch nău an pă prăk ngăch gay rho\ an nău u\ch nkra njêng tăch rgâl n’hanh nău kan bah nu^h [on lan ta ntu\k ngăn lah ăp rnăk ach o, rnăk êp ach o, rnăk rnoi mpôl đêt. Bah meng ne\ ngân hàng le\ [ư t^ng du đêt nău kan đah du đêt gưl rmôt kan, nsum mpôl kơt nu^h [on lan, bu ur, mpôl druh ndăm gay rgop kon nu^h manh kơl an ta ntu\k, n’hao groi nđôi, mât uănh ue\h nău rêh jêng n’hanh [ư t^ng manh prăk kơl an. Tơm prăk kơl an le\ kơl an rnăk ach o, rnăk êp ach o, kônh wa rnoi mpôl đêt ntop tay nsing nơm, n’hao jâng nsan tâm nău rêh, rgop kơl nău [ư nkra njêng lo\ mir, tăm bri mât joi êng le\ rgâl t^ng trong nkra njêng ndoh ndơ jêng ăp nkual way tăm, nta an âk ndơ dơi tâm rlong ta ntu\k n’hanh tăch n’gluh. Dơi nkoch tât ndơ kơt cà phê, cao su, tiêu n’hanh âk ntil tơm biăp, play, nău rêh drăp ndơ bah ăp rnoi mpôl đêt ta n’gor mô rlu dơi rgâl n’hanh hao.

- Bah ăp nău [ư ngăn ri tơm prăk manh bah ngân hàng chính sách le\ dơi geh âk săk rnglăi ue\h m’hâm tâm nău rêh nu^h [on lan ơi wa ?

Wa Nguyễn Tiến Hà: Bah bôk năm ngân hàng le\ [ư pă prăk manh hao jêng nkôp đah năm 2019 lah rlău 100 rmen prăk. Tơm prăk manh bôk năp le\ tâm di nău u\ch bah nu^h [on lan, lơn lah ăp rơh kơn nu^h [on lan geh [ư sa đêt, mô to\ng ndơ manh prăk ta ăp ngân hàng thương mại. tă bah tơm prăk le\ nta an nău kan, kan pah, rgâl nău rêh rgop đăp mpăn nu nău wa\ng sa rêh jêng, nking n’gang nău an manh prăk kon khlay, n’hu\ch rnoh rnăk ach o, đăp mpăn rnă njrăng ta ntu\k. prăk manh kơl an le\ ntru\t tât ăp ntil nău rêh rnăk ach o n’hanh ăp nu^h dơi kơl êng, rgop ntru\t hun hao wa\ng sa rêh jêng t^ng trong hăn bah Đảng, Ngih dak, rgâl dăng ta ăp nkual ach o, nkual rnoi mpôl đêt bah n’gor. Nău rêh drăp ndơ nuih n’hâm bah nu^h ach o n’hanh ăp nu^h dơi kơl nar lơ dơi rgâl, trong chính trị nar dơi nâp nâl, tâm rnglăp rnoi mpôl nar lơ hao rgop [ư t^ng nău kan n’hu\ch ach o nâp nâl. Ndâk njêng thôn [on mhe đăp mpăn nău rêh jêng, n’hao nâp nâl nău nsing nơm bah nu^h [on lan đah Đảng. Săk rnglăi bah tơm prăk an manh kơl an le\ dơi gưl uỷ, n’gâng kan [on lan n’hanh nu^h [on lan tâm ban u\ch n’hanh uănh lah rnê prêh.

 - Mât ue\h ăp săk rnglăi dơi geh, ndr^ tâm năm tât Chi nhánh Ngân hàng chính sách n’gor mbra [ư ăp nău kan tay m’hâm mêh ?

Wa Nguyễn Tiến Hà: Mpôl hên mbra [ư t^ng ăp gưl nău kan khlay kơt tâm ôp tâm nchră an gưl uỷ, n’gâng kan [on lan [ư t^ng rjăp nt^m đă 40 bah Tổng Bí thư n’hanh n’hao nău rđau bah Đảng đah nău kơl rêh jêng, nta an n’hâm soan dăng, gay đăp mpăn tâm banđah nău ntru\nh r[o\ng tât rnăk ach o n’hanh ăp rnăk dơi kơl ta ntu\k. Bah meng ne\ mpôl hên t^ntg nău rđau bah N’gor uỷ, HĐND, UBND n’gor nt^m rđau joi ăp trong mkra tâm di tâm trong kan [^t joet, [a [ơ tât bah dâng, n’hao trong kan uănh nđôi, hăn ndrel đah [on lan geh trong mkra ue\h ngăn đah tơm prăk an manh tât ăp rnăk ach o n’hanh ăp nu^h êng.

Ơ dăn lah ue\h wa !

                                    Nu\ih rblang: H’Thi