VOV4.Mnông- Năm 2022, ta meng nău tât bâh rnoh khlăy bâh ăp ntil ndơ ta lam ntur neh, nău khlăy rnoh ndơ tâm dak nơm hôm tât bâh nău nchrăp rgâl nkra rnoh khlăy du đê̆ ntil ndơ nău kan nsum tĭng trong ta ntŭk tăch rgâl, du đê̆ ntil ndơ hôm nha geh nău roh prăk rvăt hao khlăy, rgâl rnoh bâh ndơ pring xăng ta ntŭk tăch rgâl...Nău mbơh dŭt uănh nkah ta rơh tâm nchră nău tât rgâl bâh ntŭk tăch rgâl ta Việt Nam năm 2021 n’hanh nău nchroh ta năm 2022. Năm 2022, n’gâng kan wăng sa Việt Nam geh nchroh mbra ndâk nsơm n’hanh hun hao têh dăng, rnoh hao bâh lạm phát năm 2022 mô ir rvê. Tĭng nĕ, nău kan tal 1, năm 2022, n’gâng kan wăng sa lam ntur neh nchroh hao mbrơi, n’gâng kan wăng sa Việt Nam bâh hao mbrơi, klâp ma 6,5% rĭ rnoh lạm phát klâp ma 2,8 tât 3,2%. Lah kơt nău nchrăp lah n’gâng kan wăng sa lam ntur neh ma tâm di ueh lơn, hao ueh rĭ rnôk nĕ n’gâng kan wăng sa Việt Nam mbra hao ueh n’hanh lah he hôm nha geh dŏng nău nkhêp dơh nơih bâh ăp nău tâm ton tăch rgâl đăp mpăn dah rŏng rĭ he mbra geh rnoh hun hao klâp ma bâh 7 tât 7,5% tâm năm 2022 n’hanh tâm rnôk nĕ mbra geh rnoh lạm phát bâh 3,5 tât 3,8%.

Nuĭh rblang: Thị Đoắt