VOV4.M’nông – Kêng măng 24/10, N’gâng kan dak si ƀư rƀŭn nchră trực tuyến đah kruanh UBND 63 n’gor, nkual ƀon têh gay uănh lah 10 nar mbơh ƀư tĭng Nghị quyết 128 mpeh tâm di đăp mpăn, ngăch, uănh nđôi tam Covid-19. Jêh uănh lah bôk năp an saơ, du đêt n’gor, nkual ƀon têh hôm e vĭ vĕ, tâm ƀư tĭng Nghị quyết aơ n’hanh ăp ntŭk an n’hao ăp trong kan njrăng n’gang srê, mô an geh rơh srê mhe. Đah 3 nău rƀŏng ntrŭnh tĭng Nghị quyết 128 kơt tâm pă nkual srê tât gưl thôn, xă; tŏng ăp vaccine n’hanh dơi sŏk dŏng săm ji, âk n’gor, nkual ƀon têh geh âk vaccine hôm e đêt, knŭng rlău bah dâng 40% dăn đă dơi ƀư ăp trong njrăng n’gang srê âk. Bah ăp nău dăn đă bah n’gor, Kruanh n’gâng kan dak si Nguyễn Thanh Long đă an ƀư ăp trong njrăng n’gang srê, mô an geh ntoh srê mhe tâm khay tât.

Nŭih rblang: Y Sưng Phê Ja