VOV4.Mnông- Ôi nar 1/12, ta nkuăl ƀon têh Kon Tum, UBND n’gor Kon Tum ƀư rơh vơt dơn ndơ dŏng dak si kơl an nău kan njrăng, rdâng nuh srê Covid-19 yor n’gor Bình Dương pă an. Ndơn kan bâh n’gor ủy, UBND n’gor Bình Dương, ndơn kan UBMTTQ Việt Nam n’gor Bình Dương n’hanh ntŭk kan dak si n’gor Bình Dương lĕ pă n’gor Kon Tum du đê̆ ndơ dŏng dak si kơl an n’gor mât kơl nău kan njrăng, rdâng nuh srê Covid-19, geh: 200 nsưng loih tĩnh điện, 100 máy ƀư oxy, 200 máy veh SPO2 n’hanh 520 nhiệt kế.

Tât aƀaơ, n’gor Kon Tum geh rlău 600 nuĭh ntưp Covid-19, tâm nĕ geh 44 nuĭh tâm ƀon lan n’hanh ê hŏ geh nuĭh ntưp hô bâh rơh nuĭh ji 2,3. Mhe nơh n’gor Kon Tum lĕ đă mpôl kan 30 nuĭh kan dak si kơl an n’gor Bình Dương rdâng srê. Nău ngăn tât râng mât uănh, săm ăp nuĭh ntưp srê lah ăp nău kơt gĭt kan khlăy dôl geh n’gâng kan dak si ta n’gor dŏng ƀư ta ntŭk mât săm n’gor nơm.

Nuĭh rblang: Thị Đoắt