VOV4.Mnông – Thủ tướng Chính phủ mhe ký ntrŭnh 782/QĐ-TTg uănh an bôk nău kan njrăng n’gang, n’hŭch đêt kon se pah kan mô tâm di nău ntrŭnh bah pháp luật lvang 2021-2025, rƀŏng tât năm 2030. Tĭng nĕ, bôk nău kan ndơ̆ an trong rƀŏng tât năm 2030, nsrôih n’hŭch rnoh nuĭh kon se pah kan n’hanh nuĭh mô hŏ druh ndăm bah 5 tât 17 năm deh hŭch 4,5%; hŭch rnoh nuĭh kon se pah kan jâk mbăn, khih, ntêt nkri. Nkre, n’hao uănh nđôi, saơ ơm n’hanh rmal rjăp ăp nău tih pháp luật mpeh dŏng nuĭh kon se pah kan. Bôk nău kan ndơ̆ an ăp nău kan na nê̆ gay jêh nău rƀŏng n’gluh an, kơt: Lôch jêh nău kơl, pháp luật mpeh njrăng n’gang, n’hŭch nuĭh kon se pah kan; nkoch trêng, ntĭm nti, rgŏ jă kon nuĭh n’hao wât, geh nău kan đah njrăng n’gang, n’hŭch nuĭh kon se pah kan.

Nuĭh rblang: Y Sưng Phê Ja