VOV4.M’nông – Ôi (12/12), tŏng 90 năm nar ƀư nău njrăng n’gang nău tâm lơh bah ăp nuĭh krŭng cộng sản ta ngih Krŭng Kon Tum ƀư lư mô knŭng ta Kon Tum, ta Việt Nam ma ta lam Đông Dương, N’gor ủy, HĐND, UBND, UBMTTQ Việt Nam n’gor Kon Tum ƀư nkah gĭt 90 năm nău njrăng n’gang nău tâm lơh  gay nkah gĭt tay nău way ơm lịch sử cách mạng ntô̆ n’hao bah rnoi mpôl; nkah gĭt nău roh têh dăng bah ăp tahen cộng sản tâm nău njrăng n’gang nuĭh rlăng Pháp n’hanh nuĭh dĭk ta Ngih Krŭng Kon Tum.

Nhŭk ƀư nkah gĭt

Ngih Krŭng Kon Tum yor rlăng Pháp ndâk ƀư bah ăp năm 1915-1917, lah ntŭk krŭng chính trị dơi ndâk ƀư ơm ngăn ta nkual Tây Nguyên. Geh năm Ngih krŭng Kon Tum mât krŭng rlău 500 nuĭh chính trị. N’hâm soan rêng hvi bah nău mât njrăng nău tâm lơh  n’hanh ât sa ta Ngih krŭng Kon Tum tâm khay 12 năm 1931 đă rlăng Pháp an rgâl nău ƀư mât uănh rhăt jăp, ŭch kơl tĭng nău đă bah ăp nuĭh krŭnh chính trị n’gluh an, ntlơi nău ndâk ƀư trong 14; lơn lah tât năm 1934 nuĭh rlăng Pháp an chrach Ngih Krŭng Kon Tum, ntlơi nkre Ngih krŭng Kon Tum.

Nŭih blang: Y Sưng Phê Ja