Ôi 12/3, ta n’glău Lắk, thị trấn Liên Sơn, nkuâl Lắk (Dak Lak), ƀư Tâm rlong duk si lôk nkuâl Lắk tâl 4 năm 2025. Nar tâm rlong gŭ tâm ăp rêng kan bah Lễ hội cà phê tâl IX, mbah rhơn 50 năm rklaih luh Buôn Ma Thuột n’hanh 120 năm njêng n’gor Dak Lak.

Tâm rlong wăch rgum bơi 100 ti wah, mpeh 16 rmôt tâm rlong, bah thị trấn Liên Sơn, ăp xã Đắk Liêng, Bông Krang, Yang Tao (nkuâl Lắk) n’hanh Công ty du lịch Lắk Tedcam. Ăp ti wah tâm rlong ta ăp nkô̆ duk si lôk 2, 3 n’hanh 4 nuĭh. Kêng dŭt, rmôt tâm rlong mbrô 10 thị trấn Liên Sơn hŏ dâk bôk năp ta lĕ 3 nkô̆. Tâm rlong duk si lôk lah rup uĕh văn hoá way ơm bah ƀon lan Bu Nong n’hanh du đêt rnoi mpôl đê̆ êng ƀa ƀă ƀư nău  kan lơh joi ka ta dak me Krông Ana n’hanh n’glău Lắk mpeh nkuâl Lắk.