Râng trôm nău ƀư ta Quảng trường 1/4, nkual ƀon têh Tuy Hòa, n’gor Phú Yên, N’gâng kan Văn hóa, Thể thao n’hanh Pâl nđaih Dak Lak ƀư ăp nău mbơh nh’hơ, nkoch nău kan way ơm cheh tanh bah nuĭh Êđê, nău kan ƀư uk bah nuĭh Bunong. Mbơh nh’hơ mboăt nŭng rnoi nuĭh, nău mprơ, nău uĕh way ơm, ăp nău mprơ nkoch mpeh nkual neh, kon nuĭh Dak Lak.

Nkoch “Gĭt blău tăm n’hanh nkret njêng cà phê Dak Lak”, ƀư ngăn mpli n’hanh ngêt cà phê an dơm. Ƀư mini game, an phiêu an kơl ăp tuor, trong pâl nđaih Dak Lak. Wa Lại Đức Đại, Groi Giám đốc N’gâng kan Văn hóa, Thể thao n’hanh Pâl nđaih Dak Lak an gĭt, ăp nkô̆ nău mpla nsơ, mboăt nthoi pâl nđaih đah Dak Lak n’hanh Phú Yên lĕ dơi nchrăp bah ơm, gay ƀư uĕh tay bôk nău nkah gĭt 50 năm rklaih đăp mpăn lĕ rngôch miền Nam, kơp dơn neh dak; rgop ntrôl pâl nđah, rƀŏng tât hao jêng wăng sa rlău 8% lĕ n’gluh an.