Tâm măng ntơm ƀư Lễ hội cà phê Buôn Ma Thuột rơh tal 9, âk năch tâm dak n’hanh dak bah dih tât ngêt cà phê n’hanh ăp nău njroh mprơ. Ƀon lan ăp rnoi nuĭh n’gor Dak Lak dŭt ntô̆ n’hao yor lĕ dơi ƀư nău uĕh ơm bah rnoi nuĭh nơm. Wa Aê Sa (nuĭh Êđê, 73 năm deh) ndrel mpôl nghệ nhân ta Ƀon Driah, xă Cư Né, nkuăl Krông Búk, n’gor Dak Lak tât râng lễ hội đah ăp nău tŭr chĭng Knah, uh mboăt n’hanh mprơ Ei Rei. Wa Aê Sa nkoch nău răm yor dơi saơ rhơn kah gĭt 50 năm Lơh dơi Buôn Ma Thuột n’hanh Lễ hội cà phê Buôn Ma Thuột rơh tal 9.

Tât đah lễ hội cà phê Buôn Ma Thuột dŭt răm n’hanh ăp rơh lễ kơt aơ Mpôl hên ƀa ƀơ râng. Kơt ăp băl mom druh ndăm dŭt gơih râng ndrel đah Mpôl nghệ nhân gô̆ gong rla, tŭr chĭng lăp ndrel đah Lễ hội. Mpôl hên lĕ ranh hôm n’hanh trêng ntĭm tay an ăp mon nthoi mât nău uĕh way ơm. Tât ta aơ saơ răm m’ak, geh âk nău rgâl nkôp đah bah năp, tâm ƀon lan ndrĭ đŏng. Nău rêh hun hao âk lơn tay, lŏ mir kơt cà phê, tiêu, cao su hao đŏng, nuĭh ƀon lan rwăt ndeh uĕh, rwăt ndơ mhe tâm jay, ăp nuĭh rhơn răm da dê.

Lễ hội cà phê Buôn Ma Thuột rơh tal 9, ƀư bah lơ 9 tât 13/3, đah 17 nău ƀư khlay. Lễ hội nkre lah ntô̆ n’hao, nkre lah djôt ăp nău ƀư ngăn đah ƀô kah n’hanh văn hóa cà phê, nkre pơk luh ăp nău dơi boăt nthoi, hun hao, mĭn lah “Buôn Ma Thuột lah ntŭk tât bah cà phê lam ntŭr neh.