Nkuăl n’har bri Buôn Đôn, n’gor Dak Lak mra ƀư Tết Bunpimay (Tết Lào) têh ngăn kơp ntơm sa ơm tât rnôk aơ đah âk nau kan ueh. Aơ lah nau mbơh geh ndŏ tâm nar rƀŭn mbơh kêng măng 12/3, êp rơh ƀư Lễ hội cà phê Buôn Ma Thuột tal 9. Tết Bunpimay lah nar lễ têh ngăn tâm năm bah nŭih Lào, lah rnôk gay ma khân păng ntoh nuih n’hâm ryơk Brah yang ndrel yau ye. Nau nchrăp, Tết Bunpimay Lào năm Phật lịch 2568 mra ƀư ntơm lơ 12-14/4 tâm Buôn Trí, xã Krông Na, nkuăl Buôn Đôn.

Lah bôk nau kan ƀư têh ngăn kơp ntơm sa ơm tât rnôk aơ, Tết Lào năm aơ mra geh âk nau kan, ƀư kơt: Lễ ôp brah năm mhe, Lễ hội Hoa đăng, ƀư ôp brah ƀon, nau vơt leo nsĭt bu druh ueh năm mhe, nau tâm rlong “Nŭih ueh Punpimay” tâm rlong gâm ndơ sa 100 ntil bah Tây Nguyên. Tâm rlong nsach dak, hội trại văn hoá, ndơ sa nsiăm rveh ndrel ăp bôk nau kan êng êng./.