Tâm trôm lễ hội cà phê Buôn Ma Thuột rơh tal 9 dôl ƀư ta Dak Lak, N’gâng kan pâl nđaih nkual ƀon têh Đà Nẵng ƀư bôk nău ntrŭt ntrôl pâl nđaih n’hanh ký ton hăn ndrel đah ăp n’gor nkual Tây Nguyên. Đah bôk nău “Uănh saơ Đà Nẵng 2025-Âk nău ƀư ngăn”, bôk nău ƀư nkoch ăp lễ hội, nău ƀư têh, ndơ rhŏ mhe n’hanh ăp ndơ rhŏ kơl an uĕh an năch pâl nđaih rnôk tât Đà Nẵng tâm năm aơ.

Tâm nĕ rgum tâm 2 bôk nău ƀư khlay, năch pâl nđaih mbra dơi geh ăp nău kơl lor mpeh nău rhŏ an dơm vé uănh nsong, rlong ƀư ngăn ta du đêt nkual, ntŭk pâl nđaih; n’hŭch tât n’gul rnoh khlay vé ăp ntŭk rlu rlău, ntŭk pâl rlưn ta du đêt nkual pâl nđaih bah ăp ntŭk kan râng bôk nău ntrŭt ntrôl. Wa Tán Văn Vương, Groi Giám đốc N’gâng kan pâl nđaih nkual ƀon têh Đà Nẵng an gĭt, miền Trung-Tây Nguyên lah ngoăy tâm 3 ntŭk khlay ma Đà Nẵng rƀŏng tât ntrŭt ngăch pâl nđaih tâm năm aơ.