Kêng măng 13/3, Mpôl rdâk ƀư rơh tâm rlong wâr cà phê kah Việt Nam 2025 ƀư mbơh tơih n’hanh an ndơ nkhôm an ăp nuĭh tâm rlong geh ndơ nkhôm tâm rơh tâm rlong aơ. Tĭng nĕ geh 6 nuĭh geh nău tâm rlong geh điểm âk ngăn dơi moh săk. Nuĭh tâm rlong Tạ Tuấn Anh tât bah Nkual ƀon têh Hồ Chí Minh lĕ geh giải ngoăy, giải bar tĭng sĭt đah nuĭh tâm rlong Nguyễn Hương tât bah Dak Nông, giải pe dơi an nuĭh tâm rlong Lê Đức Mạnh, n’gor Dak Lak n’hanh pe giải khuyến khich đah ăp nuĭh tâm rlong: Phan Hồng Phong (n’gor Quảng Trị), Hồ Hoàng Minh Thắng (n’gor Kon Tum) n’hanh Mai Hoàng Phát (nkual ƀon têh Hồ Chí Minh).

Tĭng mpôl giám khảo, nău uănh lah uĕh kah cà phê ta rơh tâm rlong tĭng ăp nău ntrŭnh mhe yor Hiệp hội cà phê kah-SCA ndơ̆ an lĕ an mô đêt jêr jŏt ntŭl rlong an ăp nuĭh tâm rlong râng rơh tâm rlong năm aơ. Yơn lah, ăp nuĭh tâm rlong lĕ blău rlet rlău n’hanh geh điểm dŭt âk tĭng gưl điểm lam ntŭr neh. Nău aơ mĭn lah tay rmôt wâr cà phê Việt Nam nar lơ hun hao blău ngăn.