Bol hŏ geh ăp nău rgop uĕh tâm nău rgâl geh nău rêh bah bah rveh ƀon, yơn trong leo ƀư pâl nđaih rveh dêh bên ta Dak Lak nha hôm geh âk ntul rlong ân dơi nkra gay đăp mpăn an nău hun hao jŏ jong đŏng. Nkô̆ dja hŏ dơi ăp nuĭh ntơh măt tâm ôp, tâm nchră khuh n’gôr ta rnôk Rgum nchră "Nău nkoch bah rveh”, ƀư nar ntri, 7/3 ta nkual ƀon têh Buôn Ma Thuột, n’gor Dak Lak.

Ta tâm nchră, nuĭh ntơh măt ndrel uănh năl tay nău dơi geh tam lôch tĭng ƀư ăp trong pâl nđaih dêh bên đah rveh. Lôch 2 năm trong leo ƀư dja hŏ rgop rgâl uĕh ngăch dăng suan, nău geh ntŭk gŭ rêh an rveh n’hanh nta joi nău kan an nuĭh ƀon lan ta ntŭk. Yơn I ngăn aƀaơ, trong leo ƀư pâl nđaih dêh bên đah rveh dôl ƀư rnăk wâl nuĭh tơm rveh roh âk tơm geh wăng sa. Ăp đại biểu dăn đă ăp trong nkra ƀư na nê̆ gay mât njrăng n’hanh rơ̆ jêng rveh mpôl, rgâl geh n’hanh n’hao săk geh trong leo pâl nđaih dêh bên đah rveh.

Aƀaơ, lam n’gor Dak Lak hôm 35 bôk rveh ƀon, lơn âk mât ta 2 nkuâl Lắk n’hanh Buôn Đôn. Ăp bôk rveh lĕ rngôch hŏ rlău 40 năm deh da dê, hŏ dơi nchih săk mât njrăng, ntrŭp chíp năl săk n’hanh way tĭng groi nđôi mbro nău ngăch dăng n’hâm suan.