Rhơn nar ndrôm săm ƀŭt ndrel nau vay răk Việt Nam 21/4, Nar ndrôm săm ƀŭt ndrel Nau dơi geh êng bah lam ntur neh 23/4, Hội văn học Nghệ thuật n’gor Dak Lak tâm rgop nsum ma UBND phường Phú Yên, Bảo tàng Dak Lak, Thư viện n’gor ndrel Ngih săm ƀŭt THCS Trần Hưng Đạo ƀư Bôk nau kan Nar săm ƀŭt ndrel nau vay Răk năm 2026 đah nkô̆ “Ndrôm săm ƀŭt ndrel nau mpŏng rlet dơi”. Nar ndrôm săm ƀŭt ndrel nau vay răk năm 2026 geh tâm âk nau kan: pă ndrôm săm ƀŭt ân ngih săm ƀŭt, pă prăk ân kon se nti nsôih rlet nau jêr nti blau; mbơh săm ƀŭt ndrel tâm n’ur ma nŭih nchih...

Sŏk kon se nti ƀư nkô̆ tơm, nŭih ân nơm kơl an, nar ndrôm săm ƀŭt năm aơ lah rnôk geh âk nau pâl uănh ueh bah ăp kon se nti bah ăp ngih săm ƀŭt THPT, THCS, Tiểu học tâm lam phường Phú Yên. Tĭng nhà văn Niê Thanh Mai, Kruanh Hội Văn học Nghệ thuật n’gor Dak Lak, Nar ndrôm săm ƀŭt ndrel nau vay răk năm 2026 lah nau kan văn hoá đah nŭih ŭch ma ndrôm săm ƀŭt ndrel lam ƀon lan, ryơk ăp nau khlay bah săm ƀŭt, ƀư rjăp nau dăng dơi ndrel nau khlay bah săm ƀŭt tâm nau rêh jêng./.