Aơ lah nău kan dŭt têh ngăn gay ma ryơk n’hao nău kan tuch tăm tơm, nkre lah mbơh tơih nău ntơ, nău ueh n’hanh rup ueh ta ntŭk. Wa Đào Mỹ, Groi kruanh UBND n’gor Đăk Lăk an gĭt, rơh ƀư tâm nđur sầu riêng lah rơh dŭt khlăy ngăn tâm rgop n’gâng kan, nuĭh pah kan, doanh nghiệp n’hanh ăp dak  tơm tâm n’hanh bah dih dak. Bâh nĕ, nău kan ntrôl pơk hvi ntŭk pah kan tăch ndơ an dak bah dih n’hanh geh âk ntŭk tât ntuh kơl ta n’gor. Tĭng nău mbơh bâh rnâng kan leo kan, tâm nđur sầu riêng geh 17 nău kan ntoh lư kơt: Pla n’hơ âk ntil ndơ OCOP, rơh tâm mâp tâm rgop ndơ tăch, rơh ngêt sông, bôk nău kan livestream tăch ndơ n’hanh mbơh ăp nău leo pâl nđaih ta nkual tăm. Nău mhe bâh rơh aơ lah n’hao nău tâm rgop đah ăp ntŭk pâl rlưn tuch tăm đah nău ueh êng ta Tây Nguyên, ton mbra njêng nău ntoh n’gôr n’hanh nsĭt tât âk nău ueh an bu năch tât ta aơ.