Ôi 7/3, ta Bảo tàng Dak Lak, UBND n’gor Dak Lak ƀư ntơm pơk pla n’hơ “Dak Lak - 50 năm rdâk njêng n’hanh hun hao”. Aơ lah ngoăy tâm ăp nău kan tơm mbah rhơn nkah ndray 50 năm lơh dơi Buôn Ma Thuột, rklaih luh n’gor Dak Lak n’hanh Lễ hội Cà phê Buôn Ma Thuột tâl 9 năm 2025.

Ƀư ntơm bah aƀaơ tât lĕ nar 15/4 tât, Pla n’hơ “Dak  Lak - 50 năm rdâk njêng n’hanh hun hao” pla n’hơ rlău 150 siƀŭt ơm, ndơ nha hôm mât ndray, rup gui ơm kăl e đah 3 nkô̆ lah Lơh dơi Buôn Ma Thuột – Nău mprơ rnê Tây Nguyên, Dak Lak - 50 năm rdâk njêng n’hanh hun hao n’hanh rup nău mhe - nghệ thuật. Ăp nkô̆ rgum tâm ăp rup ntoh lư mpeh lịch sử, ăp rup uĕh săk ntơr êng văn hóa, nău rêh bah ƀon  lan ăp rnoi nuĭh dôl gŭ rêh ta Dak Lak, ăp nău dơi ntoh lư tâm rnôk rdâk njêng n’hanh hun hao bah n’gor lôch nar neh dak dơn ngoăy tâm ban kơt rup gui nkual neh, kon nuĭh Dak Lak tâm rơh công nghiệp mhe, têh uĕh mhe.