VOV4.M'nông: Ta Hà Nội, Ban Rnâng kan Ủy ban Trung ương Mặt trận Tổ quốc Việt Nam n'hanh Ủy ban Dân tộc mhe kan nsum ƀư tâm nchră n'glôch jêh 5 năm tĭng ƀư bôk nău kan nsum lvang năm 2017- 2021 n'hanh ký ton bôk nău kan nsum pah kan lvang năm 2021- 2025. Tâm bah ri aơ nơh, bar ding hŏ tâm boh kan nsum pah kan mât ndray, mpư n'hao rnoh khlay văn hoá ăp rnoi mpôl đê̆; an ƀư ăp trong nchrăp bah Đảng, trong kan bah Ngih dak mpeh hun hao wăng sa- rêh jêng kon nuĭh, n'hao săk geh nău rêh an ƀon lan rnoi mpôl đê̆. Kruanh Ủy ban Trung ương Mặt trận Tổ quốc Việt Nam Đỗ Văn Chiến dăn đă let năp tay, bar ding ân n'hao dăng tâm boh kan nsum an ƀư ăp rnoh tât kan gưl neh dak hun hao wăng sa - rêh jêng kon nuĭh; way rƀah gĭt nuih n'hâm ŭch rŏng, ƀư jăp ăp trong leo ƀư tâm rlong rŏng dak, ăp rơh rgŏ jă gay kơl ƀon lan rnoi mpôl đê̆ hun hao wăng sa, rdâk njêng ƀon lan mhe, đăp mpăn rnă njrăng, n'hanh đăp mpăn lam rêh jêng kon nuĭh; lơn lah bôk nău kan rnoh ŭch tât gưl neh dak hun hao wăng sa- rêh jêng kon nuĭh nkual rnoi mpôl đê̆ n'hanh mpeh yôk yang lvang năm 2021-2025.

Nuĭh rblang: Điểu Thân