VOV4.M’nông – Ôi 4/1, ta Ngih Quốc hội, ntơm ƀư rơh rƀŭn ndal bah Quốc hội khóa 15 tĭng trong ƀư trực tuyến tât 62 ntŭk ƀoh ta ăp n’gor, nkual ƀon têh. Bah năp mông ntơm pơk, ăp nuĭh ntoh măt Quốc hội rƀŭn ta ntŭk ƀoh Ngih Quốc hội an nkao, lăp Lăng chop Kruanh Hồ Chí Minh. Ntoh ngơi ta rƀŭn, Kruanh Quốc hội Vương Đình Huệ lĕ ntĭm trong ăp nkô̆ nău khlay gay ăp nuĭh ntoh măt Quốc hội rgum tâm nchră, nĕ lah:

Ntơm ƀư rơh rƀŭn ndal bah Quốc hội khóa 15 tĭng trong ƀư trực tuyến tât 62 ntŭk ƀoh

Uănh mĭn tay mbơh an Nghị quyết mpeh nău kơl năm tât, prăk kaih gay ntop kơl ƀư bôk nău kan rdâk nkra tay n’hanh hun hao wăng sa-rêh jêng, mbơh an Nghị quyết mpeh nău ntrŭnh an ntuh kơl nău nchrăp rdâk ƀư trong cao tốc Bắc-Nam mpeh bah lơ lvang 2021-2025. Ta rơh rƀŭn aơ, Quốc hội mbra uănh mĭn tay, mbơh an nău nchrăp ƀư nkra rgâl, ntop tay du đêt điều bah Luật Đầu tư ngih dak, Luật Đầu tư tĭng trong kan ndrel, Luật Đầu tư, Luật Đấu thấu, Luật Điện lực, Luật Doanh nghiệp, Luật soay tăch ndơ n’hanh Luật Thi hành án dân sự. Jêh rơh ntơm ƀư, Quốc hội lĕ djăt Chính phủ nkoch rblang bah 3 dự thảo nghị quyết n’hanh 1 nău nchrăp ƀư luật.

Nuĭh rblang: Y Sưng Phê Ja