VOV4.M’nông –  Ôi 7/12, ta Ngih rƀŭn Ngọc Linh, nkual ƀon têh Kon Tum, HĐND n’gor Kon Tum khóa 12 ntơm ƀư rơh rƀŭn tal 2. Ta rơh rƀŭn aơ, HĐND n’gor Kon Tum mbra uănh mĭn, tâm nchră n’hanh nău ntrŭnh âk nkô̆ nău khlay tâm nău dơi mkra. Nău mbơh bah UBND n’gor Kon Tum ta rơh rƀŭn an saơ, bôl mâp rdâng đah âk jêr jŏt, ntŭl rlong n’hanh khuch bah srê Covid-19, yơn năm 2021 wăng sa-rêh jêng n’gor Kon Tum hôm e geh âk nău khlay, kơt: Ding lĕ ndơ rêh jêng hao 6,47%; Dăp rgâl wăng sa rgâl trơn di trong;

Ntŭk rƀŭn tal 2, HĐND n’gor Kon Tum khóa 12.

Nău geh rĭng bôk nuĭh geh rlău 47 rkeh prăk; Sŏk ndơ̆ tơm prăk ngih dak 3.500 rmen prăk, geh 100% nchrăp trok n’gor jao; N’gor geh tay 8 xă tâm di ƀon lan mhe; rnoh rnăk ach o hŭch 4% nkôp đah năm 2020; Trong kan njrăng n’gang srê Covid-19 dơi ƀư rjăp. Tâm 2 nar n’gul rƀŭn tal 2, HĐND n’gor Kon Tum mbra an âk mông nar gay ăp nuĭh ntoh măt rblang, ƀư kloh nkô̆ nău du đêt rnoh an ƀư năm 2021 mô geh trong nchrăp, kơt du đêt rnoh doanh nghiệp ndâk njêng mhe knŭng geh bơi 80%; rnoh neh sâm Ngọc Linh tăm mhe knŭng geh bơi 67%... Nkre rgum tâm nchră tăm bah nău rƀŏng nău kan n’hanh ăp trong mkra hun hao wăng sa rêh jêng, đăp mpăn mât njrăng rnă njrăng năm 2022.

Nŭih blang: Y Sưng Phê Ja