VOV4.M'nông: Bộ Lao động Thương binh n'hanh Xã hội kan nsum đah Prăk nkrem kon se Liên hợp quốc (UNICEF) ƀư Tâm nchră pơk sŏng dăng “Uănh năl n'hanh an ƀư du đêt trong nkra gay mât chăm ntĭm nti an kon se tâm rơh nuh srê Covid-19”. Tâm nchră geh nău tât râng bah ăp n'gâng kan, ăp mpôl kan n'hanh 20 n'gor, nkual ƀon têh dôl mô lah hŏ geh duh hô nuh srê Covid-19. Tĭng nău mbơh bah ăp n'gor, kơp tât nar 31/8, lam dak geh rlău 11 rbăn 800 kon se lah F0; rnoh kon se F1 lah rlău 27 rbăn 300 kon se. Ta n'glĕ hvi lơn, kon se geh tât khuch hô lĕ mpeh săk jăn n'hanh nuih n'hâm, ƀư ăp rnoh tât hun hao lam lĕ rngôch kon se jong dah găp n'hanh jŏ jong dôl geh ntul rlong tă bah nuh srê Covid- 19. Yor kơt nê̆, ăp nău kan, trong nkra, tâm nê ăp rmôt trong nkra gay mât njrăng mât chăm ntĭm nti kon se ân dơi ƀư. Ta rnôk tâm nchră, âk n'gâng kan n'hanh ăp n'gor dăn đă Chính phủ ndrel đah trong ntop kơl săm, mât chăm kon se F0, F1 ân ơm chuh vaccine lor an kon se./.

Nuĭh rblang: Điểu Thân