VOV4.M’nông: Ôi lơ 21/12, ta Hà Nội, Bảo tàng Phụ nữ Việt nam ntơm ƀư nau mpla ndring nau ơm ndrel nŭih ơm kăl e geh ntơ “Tĭng têl jêng Đại tướng”, nkah Đại tướng Võ Nguyên Giáp. Nŭih ndrĭng 110 nau ndring aơ lah nai nti kon se, nhà báo, nhà thơ Nguyễn Thị Mỹ Dung, nŭih geh nau mâp ndrel nchih ndring nau tât Đại tướng rlau 20 năm rlau aơ. Đah nuih n’hâm rnê ryơk ndrel nkah gĭt jru ueh, nai nti kon se.

Nhà thơ Nguyễn Thị Mỹ Dung hŏ joi uănh mpeh ntŭk Đại tướng Võ Nguyên Giáp hŏ hăn rleu kơt lah ntŭk gŭ rnôk tâm lơh Cao-Bắc-Lạng, ntŭk tâm lơh ơm Điện Biên...gay gĭt kloh lơn mpeh ntŭk ơm. Rlau 20 năm roch nuih n’hâm ndrel nau mĭn, nai nti kon se nhà thơ Nguyễn Thị Mỹ Dung hŏ ndrĭng ma rhiăng nau ndring ƀư kơt “Tĭng têl jêng Đại tướng” đah nuih n’hâm ŭch rŏng tă bah ơm, nau ŭch ƀư du rơh mpla mpeh nau ndrĭng di nkah 110 năm nar deh bah Đại tướng Võ Nguyên Giáp./.

Nŭih rblang: H’Thi