VOV4.M’nông: N’gâng kan công ty Bưu điện Việt Nam mbơh, ntơm nar aơ lơ 6/8, ntŭk ƀư bôk nau kan “Grăp mah Bưu điện”. Tĭng nê N’gâng kan công ty mra pă 700 tấn phe ân nŭih ƀon lan ăp n’gor mpeh ba dâng geh dôl geh khuch bah srê Covid-19. Geh 6 n’gor, nkuăl ƀon têh geh pă lah: Nkuăl ƀon têh Hồ Chí Minh, Bình Dương, Đồng Nai, Tây Ninh, Long An, Tiền Giang. Nchrăp rlau 233 rbăn nŭih geh nau rêh jêr jŏt geh ndơn phe tă bah bôk nau kan “Grăp mah Bưu điện”.

Êng tâm nkuăl ƀon têh Hồ Chí Minh, Bưu điện nkuăl ƀon têh mra pă 30 tấn phe tâm bôk nau kan ân ndrel ma hăn nsum đah ăp ngih gâm ndơ sa kơl an dôl ƀư n’gon piăng pă ân nŭih bôk năp njrăng srê ndrel nŭih ach o. Bah năp nê, ntŭk kan Bưu điện hŏ ntrŭnh ƀư rlau 3.400 ntŭk pă ndơ sa, ntŭk tăch ndơ thuk tâm ăp n’gor dôl ƀư nau tâm nkhah srang./.

Nŭih rblang: H’Thi