VOV4.M’nông: Kêng măng 12/1, UBND n’gor Lâm Đồng ƀư bôk nau kan tâm nchră ndrel ryơk nŭih kan tăch rgâl, ntŭk kan ntoh lư. Âk nau kan jêr, kol tâm nau ƀư nau kan ê nkra, tăch rgâl geh ăp rmôt kan đă ndrel đă n’gor ân geh kơl an doh rklaih. Tâm nar tâm nchră, rđau kan n’gor Lâm Đồng mbơh, bol ma geh nau khuch bah srê Covid-19, yơn văng sa rêh jêng 9 khay bôk năm 2021 bah n’gor hôm geh âk nau kan ngăn. Nau aơ geh nau rgop têh ngăn bah rmôt kan ndrel rlau 11 rbăn ntŭk ƀư nau kan tăch rgâl bah n’gor.

Gay rklaih nau jêr, ndâk tay nau kan ê nkra tâm ban ma bah năp rnôk geh srê, ăp ntŭk kan tăch rgâl đă rđau kan n’gor Lâm Đồng âk nau kan ân geh doh rklaih. Nau tơm lah đă n’huch rnoh prăk kon ngân hàng, ƀư ntoch jong nau rgop bảo hiểm xã hội, bảo hiểm y tế tâm 6 khay, uănh nau n’huch prăk manh neh, kơl an ntŭk kan ndrel ƀư nau ntrơn rgâl ăp nau kan mro gay ƀư tâm nau mât, mbơh ntil ndơ nơm geh./.

Nŭih rblang: H’Thi