VOV4.Mnông-Nuĭh ntưp srê rgâl săk Omicron bôk năp ta Việt Nam lĕ geh kơp dơn ta dak he. Nău mbơh aơ geh ntŭk kan uănh nđôi nău ji tâm ntưp ta Việt Nam mbơh tơih bôk năp bâh ngih dak si trung ương tahen 108 mbơh tơih n’gâng kan si. Nar 19/12/2021, ngih dak si Trung ương Quân đội 108 dơn geh 1 hê nuĭh năch ta ndeh păr DH9028 bâh dak Anh sĭt ta Việt Nam. Năl ngăch ta tach ndeh păr geh ntưp đah SARS-Cov2, đah nău ntưp bâh nuĭh ntưp srê lah năch sĭt bâh dak Anh, nar 20/12/2021, ngih dak si lĕ mbơh ndơ̆ bộ gene SARS-Cov2 ntưp ta nuĭh ji aơ đah ntrong kan mhe, nău geh năl lah ntưp ntil srê mhe Omicron. Aơ lah nuĭh ntưp srê mhe Omicron bôk năp geh năl ta Việt Nam, lah nuĭh lăp ta dak he geh an gŭ nkhah êng, mât săm ngăch lôch tât ta dak he. N’gâng kan dak si an gĭt dôl geh uănh nđôi na nê̆ nău nuh srê Covid-19 lah nsum n’hanh nău dơi mbra geh ntưp ntil srê rgâl săk Omicron lah êng. Nkre lah ntrŭt đă nuĭh ƀon lan ƀư tĭng ăp ntrong kan, njrăng rdâng nuh srê Covid-19 n’hanh chuh n’gang tŏng  ăp.

Nuĭh rblang: Thị Đoắt