VOV4.Mnông-   Ta Hà Nội, Ban tuyên giáo Trung ương mhe geh tâm rgop đah ăp ntŭk kan geh tât ƀư rơh pă giải rơh tâm rlong uănh gĭt mpeh n’har bri ngih dak đah bôk nău “N’har bri ngih dak gâp”. Rơh tâm rlong trực tuyến joi gĭt “N’har bri ngih dak gâp” gay ma mbơh tơih, lah na nê̆ nău ntrŭnh, trong hăn di bâh Đảng, ngih dak n’hanh ăp nău nsrôih bâh ăp ntŭk tâm nău kan mbơh tơih ntrong kan mât n’har bri ngih dak, mbơh tơih na nê̆ Nghị quyết Đại hội tal 13 bâh Đảng. Nkre lah, ntop ndâk nsơm nău rŏng dak, nău ryơk rnê, nău ŭch rŏng mpôl rnoi, ntĭm n’hao nău gĭt vât dơn kan rdâk njêng n’hanh mat ngih dak tâm nău mhe. Bol ma aơ lah rơh bôk năp geh ntŭk leo kan geh ƀư yơn tâm du ƀlât, rơh tâm rlong lĕ geh nău tât râng n’hanh vơt tĭng bâh 1 rkeh nuĭh tâm rlong đah nău tât râng bâh rlău 2 rkeh nuĭh tâm rlong đah lĕ rngôch ăp nuĭh ƀon lan tât râng, dŭt âk mpeh năm deh n’hanh mpôl rnoi. Rnâng kan leo kan lĕ pă 1 giải khlăy ngăn, 1 giải 1, du giải 2, du giải 3 n’hanh 2 giải khuyến khích an ăp mpôl tâm rlong geh nău blău ntoh lư.

Nuĭh rblang: Thị Đoắt