VOV4.Mnông-Kêng măng nar 28/12, ta nkuăl ƀon têh Buôn Ma Thuột, Công ty Điện lực Dak Lak lĕ ƀư rơh kahgĭt 45 năm nar njêng (28/12/1976 - 28/12/2021) n’hanh vơt dơn Bằng khen bâh Thủ tướng chính phủ. Rlet rlău 45 năm njêng n’hanh hun hao, tât aƀaơ PC Dak Lak dôl mât uănh leo kan rlău 450km trong rse 110kV, rlău 4 rbăn km trong rse trung áp, 6,200 trạm biến áp, kơl pă điện an rlău 574 rbăn năch dŏng ta Dak Lak, geh lĕ rngôch rnoh nuĭh geh dŏng điện.

Năm aơ, bol ma nuh srê Covid-19 ntưp rêng âk, công ty hôm nha geh rlău 3.260 rmen prăk, ndơ̆ an tơm prăk ngih dak 50 rmen prăk. Ta meng nău kan tăch rgâl, PC Dak Lak lĕ geh âk nău kan kơl an ntŭk rêh jêng, kanŭng tâm 5 năm dăch aơ. Công ty lĕ ntêm rlău 3,6 rmen prăk an nău kan rêh jêng- tâm kơl ta ntŭk. Êng tâm năm 2021, lĕ rnoh prăk ƀư tĭng nău kan aơ lĕ geh rlău 880 rkeh prăk. Di rơh kahgĭt 45 năm nar njêng, PC Dak Lak lĕ rhơn geh Thủ tướng chính phủ pă an bằng khen.

Nuĭh rblang: Thị Đoắt