VOV4.Mnông: Geh njêng bâh năm 2009 ta nkuăl [on têh Hồ Chí Minh, lôch rlău 8 năm njêng n’hanh hun hao, phân poh Đồng tiền vàng bâh cty TNHH nkra njêng n’hanh tăch rgâl Thuận Nông Phát le\ geh hun hao ntu\k tăch rgâl ta 20 n’gor nkual dâng lâng cửu long n’hanh 5 n’gor nkual Tây Nguyên. Nău dơi bâh doanh nghiệp ta ntu\k tăch rgâl Daknông lah du nău nt^t na nê|:

            Rnăk vâl yuh Trần Thị Hoa, thôn Hà Nam Ninh, xã Dak Môl, nkuăl Dak Song, geh 3 ha cà phê n’hanh 2 rbăn tơm tiu dôl ntơm lêh play. Yuh Hoa an g^t, năm e nơh, yuh geh hăn râng tâm nchră ‘do\ng phân poh an tâm di gay ma hun hao tơm tiu cà phê nâp nâl”, tâm ne\ geh nău ntop măt bâh phân poh đồng tiền vàng bâh cty TNHH nkra njêng n’hanh tăch rgâl Thuận Nông Phát. Lôch rlău 1 năm knơm do\ng phân poh đồng tiền vàng, bôl ma rnoh khlay tiu năm aơ jur thuk yơn mir tiu bâh rnăk vâl yuh hôm nha an nău geh klâp ma 300 rkeh prăk lôch n’hâp le\ prăk do\ng, yor nău geh âk. Yuh Trần Thị Hoa nkoch:

            “Ntơm bâh kăl e tât a[aơ rnăk gâp geh poh âk ntil phân yơn bâh ntơm geh mpeh tăch phân s^t mbơh tơih phân poh bâh Thuận Nông Phát r^ geh ăp nô kĩ sư nt^m nti mpeh ntrong poh phân n’hanh do\ng phân jêng gâp rlong do\ng, tât a[aơ le\ rlău 1 năm r^ gâp saơ geh săk rnglăy du\t ueh n’hanh gâp dôl knơm do\ng gay ma do\ng ntil phân poh aơ. Lôch rnôk do\ng phân aơ gâp saơ lah n’g^ng kro mô hôm âk, hun hao dăng lơn, mô geh ôm play, jêng gâp knơm do\ng ta ntil phân poh aơ.

            Ta n’gor Daknông, nău ntơ phân poh đồng tiền vàng le\ ntoh ta rlău 60 đại lý ta 7 nkuăl, nkuăl têh, đah rnoh tăch rlău 2 rbăn tấn phân/năm. Ta meng nău pă ndơ phân poh an ăp đại lý, cty Thuận Nông Phát hôm nha an ăp [on lan geh rnoh neh tăm âk, ăp rnăk mô geh prăk kan, geh tâm trok prăk phân lôch pe\ lêh. Nô Chu Kim Lân, đại lý gâl 1 bâh phân poh đồng tiền vàng, ta thôn Đức Tân, xã Đức Mạnh, nkuăl Dak Mil ngơi.

            “Rnôk cty ndơ\ phân an gâp r^ geh s[ tăch rvăt gur n’hanh s[ dơi an tăch rgâl. Hên way an nău knơm n’hanh nău ueh phân poh bôk năp. Hên mbra an [on lan rlong do\ng phân, lah lôch do\ng mô geh tam jêng mô lah geh nău đah tơm tăm r^ mpôl hên mbra tât ua\nh n’hanh tâm trok an [on lan, jêng lah [on lan an đăp mpăn ma do\ng. tât rnôk aơ ê ho\ geh ăp nău mbơh mô ueh bâh [on lan lôch do\ng phân.

            Đah nău an knơm tăch rgâl ta bôk năp,phân poh đồng tiền vàng le\ ăp nar lơ ma njêng nău knơm bâh nu^h [on lan đah nău ueh ndơ nơm. A[aơ ta xã Đức Minh, nkuăl Dak Mil, geh tât rlău 1300 rnăk [on lan do\ng phân poh đồng tiền vàng gay ma hun hao tăm tiu n’hanh cà phê. Wa Trần Quang Thuận, kruanh hội nông dân xã Đức Minh, ua\nh năl.

            “Đồng tiền vàng geh tât đah [on lan xã Đức Minh r^ mhe, yơn lah [on lan le\ u\ch ntil phân poh aơ. M^n u\ch lah đồng tiền vàng mât nâp nău knơm đăp mpăn nău ueh mhâm [ư an [on lan knơm bâh năm aơ tât năm êng, do\ng âk năm yơn [on lan hôm nha ua\nh năl đồng tiền vàng lah phân poh ueh jêng.

            Wa Mai Trung Hạnh- ua\nh nđôi nău tăch rgâl nkual Tây Nguyên (cty TNHH nkra njêng n’hanh tăch rgâl Thuận Nông Phát) an g^t, lôch rlău 7 năm hun hao ta nkual Tây Nguyên, phân poh đồng tiền vàng le\ geh âk nău nsrôih gay ma ăp nar lơ ma ueh jêng lơn mpeh nău ueh ndơ gay ma kơl an [on lan hun hao ăp tơm ntil. Cty mbra geh [ư tâm nchră mbơh tơih tay phân poh gay an nu^h [on lan dơi ua\nh năl, rlong do\ng. rlău ma ne\, cty TNHH nkra njêng n’hanh tăch rgâl Thuận Nông Phát mbra tâm rgop đah ăp gâl kan, ăp ntu\k kan khuyến nông xã, nkuăl gay ma geh nău tâm rgop na nê| đah [on lan kan lo\ mir- doanh nghiệp n’hanh ntu\k kan mât ua\nh gay ma geh ăp ntrong kan tâm di, ngăch tâm rnôk hun hao tơm tăm nâp nâl. Wa Mai Trung Hạnh lah na nê|:

            “Đah ntrong kan ăp nar lơ ma hun hao r^ âk cty phân poh mhe ntoh luh, cty so\k nău tơm an bôk năp gay ma kơl ueh lơn an nu^h [on lan. Tâm let năp tay cty mbra n’hao tay du đê| ntil ndơ geh [ư gay ma an êng đah du đê| ntil tơm tăm t^ng trôk nar n’hanh t^ng nkual neh na nê|, rnôk ne\ [on lan knơm lơn mpeh nău mât chăm tơm tăm n’hanh phân poh. Đah ntrong kan bâh cty lah “tâm mbơh săk soan- n’hao nău khlay rnoh ndơ” r^ cty mbra nsrôih le\ soan nơm gay ma ndrel đah [on lan ntrôl n’gâng kan tuch tăm hun hao.

            Nu^h rblang: Thị Đoắt