VOV4.M'nông: Nar 20/12, ta nkual ƀon têh Buôn Ma Thuột, Hội Nghệ sĩ nhiếp ảnh Việt Nam kan nsum đah Ủy ban nhân dân n'gor Dak Lak n'hanh Hội Văn học nghệ thuật n'gor Dak Lak ƀư ntơm pơk Pla n'hơ rup njroh mprơ nkual Trung Bộ n'hanh Tây Nguyên tâl 26 năm 2021.

Pla n'hơ 172 păng rup bah ăp nghệ sĩ nhiếp ảnh tât bah Hội Văn học nghệ thuật 10 n'gor, nkual ƀon têh tâm nkual lah: Đà Nẵng, Quảng Nam, Quảng Ngãi, Bình Định, Phú Yên, Khánh Hòa, Dak Lak, Dak Nông, Gia Lai n'hanh Kon Tum. Ăp păng rup hôr nău rêh ngăn, pah kan jan sa mir ba; njrăng, n'gang nuh srê Covid-19 bah tĭng n'gor. Ăp ntil ndơ ƀư, lễ hội văn hóa mô lah ăp ntil nău njroh mprơ ndjôt săk tơm văn hoá way ơm ăp rnoi mpôl đê̆ dơi ntĭt uĕh êng đŏng. Pla n'hơ dơi ƀư ta Bảo tàng Dak Lak, lah ngoăy tâm ăp nău kan mbah rhơn Nar njêng tahen ƀon lan Việt Nam, mbah rhơn  năm mhe 2022./.

Nuĭh rblang: Điểu Thân