VOV4.Mnông- Ƀư tĭng tay rơh rƀŭn nchră ndal, ôi nar 6/1 ta 10 rmôt ta ntŭk kan Quốc hội n’hanh 62 rmôt kan ta ntŭk kan ba dâng, ăp đại biểu Quốc hội tâm nchră mpeh Luật rgâl mhe, ntop du đê̆ nkô̆ bâh Luật ntuh kơl nsum, Luật ntuh kơl tĭng trong pah kan nsum êng, Luật ntuh kơl, Luật đấu thầu, Luật điện lực, Luật doanh nghiệp, Luật sŏk soăy tăch rvăt ndơ dŭt khlăy, Luật thi hành án dân sự. nău rgâl mhe, ntop du đê̆ nkô̆ bâh 8 luật gay ma ƀư ueh tŏng ăp bôk nău ntrŭnh, trong kan bâh Đảng n’hanh ngăch ndăn ndâk nkra ăp nău jêr jot, kŏ văk ntoh luh tâm nău ngăn. Kêng măng aơ, ăp đại biểu lĕ tâm nchră ta rmôt mpeh: Nău ntrŭnh ntuh kơl nău nchrăp kan rdâk njêng nău ƀư trong hăn têh Bắc-Nam mpeh luh nar lvang năm 2021-2025 n’hanh nchrăp Nghị quyết rlong ƀư du đê̆ ntrong kan, nău kơl kan khlăy gay ma hun hao nkuăl ƀon têh Cần Thơ.

Nuĭh rblang: Thị Đoắt