VOV4.M’nông – Ôi 6/1 ta Ngih Chính phủ, ƀư Rƀŭn nchră trực tuyến n’gul gâl trong kan đăp mpăn ntung trong năm e mbơh ƀư trong rƀŏng nău kan năm aơ. Ủy viên Bộ chính trị, Groi Thủ tướng Rnâng kan Phạm Bình Minh, Kruanh Ủy ban đăp mpăn ntung trong Ngih dak ƀĭt joet Rƀŭn nchră. Tĭng nău mbơh ta rƀŭn nchră, năm e cảnh sát ntung trong lam dak lĕ rmal rlău 2,8 rkeh nuĭh tih, rmal prăk bơi 3 rbăn rmen prăk, sŏk sam ƀŭt ƀĭt ndeh, nhŭp kân rlău 460 rbăn ndeh ăp ntil. Ntoh ngơi ta rƀŭn nchră, Groi Thủ tướng rnâng kan Phạm Bình Minh lah rjăp đah nău groi nđôi srê Covid-19 n’hanh plơ̆ tay nău nâm ơm mhe, ăp nău ƀư mpeh ntung trong tâm năm aơ mbra plơ̆ tay nâm ơm n’hanh n’hao ngăch lơn, yor nê Thủ tướng đă, Ăp N’gâng kan nău kan, ƀon lan an mĭn njêng, dăn đă ăp trong mkra n’hŭch prah tâm tom du trong săk rnglăy tâm khay tât.

Nŭih blang: Y Sưng Phê Ja