VOV4.Mnông- Rơh tâm nchră  “rgâl mhe nău kan, tâm rgop đah doanh nghiệp Việt Nam”, yor tạp chí wăng sa n’hanh nău nchroh lor bâh n’gâng kan kế hoạch n’hanh đầu tư ƀư ta ôi nar 15/12 ta Hà Nội. Ta rơh tâm nchră, ăp nuĭh way kan uănh năl: Năm 2020, rnoh mbrô rgâl mhe mĭn kan bâh Việt Nam dâk tal 42/131 ngih dak n’hanh nkual neh, rgâl mhe âk rnôk hao 10 gâl kơp bâh năm 2015 n’hanh dâk bôk năp rmôt 29 ngih dak n’hanh n’gâng kan wăng sa ndrel đah nău geh. Năm 2021, Việt Nam dâk tal 44 lôch rnôk ntŭk leo kan mât uănh nău kan lam ntur neh geh kơp rnoh GDP tĭng nău kơp mhe bâh Việt Nam. Bol ma lĕ geh ăp nău geh âk, yơn nău rgâl mhe bâh dak he mô hŏ âk. Ăp đại biểu uănh năl, doanh nghiệp dôl mô geh tŏng nău mbơh mpeh ăp nău kơl, ăp ntrong kan kơl an bâh ngih dak mpeh rgâl mhe, jêng ê hŏ geh dŏng nău nkhêp gay ma hun hao ueh lĕ rngôch ăp nău dơh nơih tâm ntrong kan rgâl mhe mĭn kan.

Nuĭh rblang: Thị Đoắt