VOV4.M'nông: Ôi 9/12, ta Hà Nội, Phòng Thương mại n'hanh Công nghiệp Việt Nam kan nsum đah Hội đồng Doanh nghiệp yor ma nău hun hao nâp dăng bah Việt Nam ƀư  Lễ mbơh Doanh nghiệp nâp dăng ta Việt Nam. Groi Thủ tướng Vũ Đức Đam, Kruanh Hội đồng Quốc gia mpeh hun hao nâp dăng n'hanh n'hao nău dơi tâm rlong, kruanh rđău kan ăp n'gâng kan Trung ương, kruanh rđău kan ăp mpôl kan dak bah dih ta Việt Nam râng. Đah nkô̆ "Rƀŏng tât rach năm hun hao nâp dăng uĕh lăng lơn: mô an geh du hê ntlơi tay bah kơi", ăp nuĭh rgum tâm nchră mpeh trong kan n'hanh trong nchrăp hun hao, trong kan têh jong neh dak mpeh hun hao nđĭr lvang năm 2021-2030, tĭng ƀư jêng ngăn ngăn rnoh tât kan ndrop tâm hun hao ngăch n'hanh nâp dăng tâm rach năm mhe. Lah ta rơh rgum nchră, Groi Thủ tướng Vũ Đức Đam ŭch rŏng, ăp doanh nghiệp ndrel tĭng ƀư tay ăp nău rgâl bol ma dŭt jê̆ yor ma nău hun hao jŏ jong nâp dăng. Groi Thủ tướng Vũ Đức Đam lah rjăp: Tâm nuh srê  Covid-19, ta Việt Nam tâm ban kơt ăp dak an saơ tĭng nuĭh ƀon lan, tĭng doanh nghiệp geh mpêt nkrem, geh rgum âk, mbra jêng suan dăng kơl bên di tâm let năp tay./.

Nuĭh rblang: Điểu Thân