VOV4.M'nông: Ta Hà Nội, wa Bùi Thị Minh Hoài, Bí thư Trung ương Đảng, Kruanh Ban Dân vận Trung ương Đảng Cộng sản Việt Nam hŏ rgum nchră pơk sŏng dăng đah wa Sinlavong Khutphaythoun, Kruanh Ủy ban Trung ương Mặt trận Lào rdâk njêng neh dak tâm ôp mpeh pah kan rgŏ jă; tâm boh đah Ban Dân vận Trung ương Đảng Cộng sản Việt Nam n'hanh Ủy ban Trung ương Mặt trận Lào rdâk njêng neh dak tâm âk năm rlău aơ n'hanh tâm ban ŭch trong rƀŏng tâm boh let năp tay. Bar ding hŏ tâm ban ŭch n'hao dăng ntrŭt ntrôl nău kan leo mpôl tâm khâl nsum rnôk nuh srê COVID-19 dơi mât kân; tâm rgop kan nsum tay pah kan nkoch trêng, rgŏ jă ăp rơh kơn ƀon lan, lơn lah rơh mom ndăm đah bar dak mât ndray n'hanh bun dăp tâm boh tâm rnglăp têh kuâng, tâm rnglăp mha êng n'hanh tâm boh lam lĕ rngôch đah Việt Nam - Lào; nsrôih rlăch ndăng tay nău nsŭk nsôr bah ăp phŭng rlăng lơh chrai bar Đảng, bar Ngih dak n'hanh ƀư tâm rkeh tâm boh Việt Nam - Lào.

Nuĭh rblang: Điểu Thân