VOV4.M’nông – Ta Ngih Quốc hội, Kruanh Quốc hội Vương Đình Huệ n’hanh Kruanh Quốc hội dak CHDCND Lào Saysomphone Phomvihane lĕ ndrel tơm Rgum nchră tâm rgâl nău blău ơm trong kan đah Quốc hội Việt Nam n’hanh Quốc hội Lào. Rgum nchră lah nău ƀư na nê̆ ăp nău ƀư trong kan, tâm rgâl nău blău ơm đah 2 Quốc hội tâm nău kan ndâk njêng pháp luật, groi nđôi, nău ntrŭnh ăp nău khlay bah neh dak. Tâm năm kan mhe rlău, Quốc hội 2 dak lĕ ƀư 08 Rgum nchră chuyên đề tâm nĕ geh 4 Rgum nchră yor Kruanh Quốc hội 2 dak ndrel tơm. Kruanh Quốc hội Vương Đình Huệ an lah, tă bah ăp rgum nchră, quốc hội 2 dak lĕ tâm pă âk nău blău khlay ta ăp nău kan. Nthoi tay lôch uĕh aơ, Rgum nchră tâm rgâl nău blău ơm trong kan đah Quốc hội Việt Nam n’hanh Quốc hội Lào rgum tâm rgâl mpeh nău ƀư ôp n’hanh ơh nău ôp ta rơh rƀŭn Quốc hội Việt Nam n’hanh nău blău bah Quốc hội Việt Nam tâm nău uănh mĭn tay, ntrŭnh ăp nău nchrăp ƀư khlay ngih dak geh nkô̆ nău đah nău hun hao wăng sa-rêh jêng bah neh dak.

Nŭih blang: Y Sưng Phê Ja