VOV4.M'nông: Tĭng Bộ Lao động - Thương binh n'hanh Xã hội, lôch du khay an ƀư Nghị quyết mbrô 68/NQ-CP mpeh du đêt trong ntop kơl nuĭh kan n'hanh nuĭh tơm dŏng nuĭh kan mâp jêr jŏt tă bah nuh srê Covid-19 (way kuăl lah Nghị quyết 68/NQ-CP) n'hanh Quyết định 23/2021/QĐ-TTg, rnoh nuĭh kan hŏ dơi ntop kơl lam dak lah rlău 13 rkeh nuĭh, đah lĕ rngôch rnoh prăk lah bơi 6.000 rmen prăk. Na nê̆, nkual ƀon têh Hồ Chí Minh hŏ dơn prăk kơl ndơ̆ tât nuĭh ƀon lan, nuĭh kan 788 rmen prăk. Bình Dương hŏ dơn geh 349 rmen prăk. Hà Nội dơn geh 386,8 rmen prăk, Bến Tre dơn geh rlău 32 rmen prăk, Hậu Giang dơn geh 12,3 rmen prăk n'hanh âk n'gor nkual ƀon têh êng ƀa ƀă hŏ dơn rnoh prăk kơl bah Chính phủ da dê. Nău dŭt rhơn lah lĕ rngôch ăp n'gor hŏ nsrôih lăp kan nsĭt tay nău dơi geh n'hanh ngăch. Lôch nê, lam dak geh bar pe jât rkeh nuĭh ƀon lan dơi geh dơn ndơ kơl, hang rkeh nuĭh kan dơi geh ntop kơl ma prăk măt./.  

Nuĭh rblang: Điểu Thân