VOV4.M’nông: Ƀư tĭng nau mêt uănh bah Bộ Chính trị ndrel Rnâng kan Bí thư 2021, kêng măng 7/12, ta ntŭk kan Chính phủ, Rmôt kan mêt uănh bah Bộ chính trị pah kan đah Rnâng kan Đảng Chính phủ mpeh nau tă geh bah rđau kan, đă ƀư nau mĭn, ntĭm nti, ntrŭnh, nkoch trêng, ƀư ân nâp ueh ndrel ntrŭnh ƀư nau ntrŭnh Đại hội ntoh măt lam dak tal XIII bah Đảng. Thủ tướng Chính phủ Phạm Minh Chính; Bí thư Trung ương Đảng, Kruanh Ban nội chính Trung ương, Kruanh rmôt kan mêt uănh bah Bộ chính trị Phan Đình Trạc, nkre ƀư tơm nar rƀŭn. Ta nar pah kan, wa Phan Đình Trạc mbơh, Rmôt kan mra grum uănh rđau nau kan, rđau đă, mĭn, ntĭm nti, ƀư, nkoch trêng, ƀư ân ngăn ndrel ntrŭnh ân rjăp nau ntrŭnh Đại hội XIII bah Đảng. Thủ tướng Phạm Minh Chính lah rjăp, mêt uănh lah ngoai tâm ăp nau rđau kan bah Đảng, Chính phủ ndơn saơ aơ lah nau kan khlay gay ma ƀư nau ntrŭnh, ntrong kan bah Đảng, nau ntrŭnh bah pháp luật, rđau kan Đảng, Ngih dak, ƀư nau kan, nau dơi geh jao ân geh săk tam ngăn./.

Nŭih rblang: H’Thi