VOV4.Mnông- Ôi nar 23/12, Ban tuyên giáo Trung ương ƀư rơh rƀŭn nchră lam dak nglôch lôch nău kan tuyên giáo năm 2021 n’hanh mbơh nchrăp nău kan năm 2022. Rơh rƀŭn nchră geh ƀư tĭng trong tâm mâp sŏng dăng nkre trực tuyến ta ăp ntŭk tâm ƀoh lam dak.

Năm 2021 đah nău mĭn leo, geh nău nsrôih âk, ƀư tĭng nău ntĭm đă bâh n’gâng kan chính trị, Ban Bí thư n’hanh ăp gâl ủy, lĕ n’gâng kan Tuyên giáo lĕ rgâl mhe trong kan, mbơh tơih lĕ rngôch ăp ntrong pah kan, ƀư lôch nău kan. Bâh nĕ, ntop âk khlăy tâm nău ƀư tĭng geh âk nău dơi ăp ntrong kan chính trị bâh ăp cấp ủy, n’gâng kan, Mặt trận tổ quốc n’hanh ăp ntŭk kan chính trị- rêh jêng. Ntoh ngơi ta rơh rƀŭn nchră, rnâng kan Ban bí thư Võ Văn Thưởng dăn đă, tâm let năp tay n’gâng kan tuyên giáo an geh rgâl mhe tay, n’hao nău dơi, săk rnglăy pah kan tuyên giáo ta ăp gâl kan. Nsrôih tât râng rdâk njêng đảng nap dăng mpeh chính trị, nău mĭn kan, nău ueh kan. Đồng chí Võ Văn Thưởng đă an geh ntrôl dăng mĭn uănh kơt nti, mât uănh, mbơh tơih, mbơh ƀư tĭng Nghị quyết Đại hội 13 n’hanh ăp nghị quyết, nău nchŏng đă nglôch lôch nău ntrŭnh bâh Đảng.

          Nuĭh rblang: Thị Đoắt