VOV4.M’nông: Ôi lơ 27/12, ta Hà Nội, Uỷ ban Trung ương MTTQ Việt Nam ƀư rƀŭn tal 11 rmôt Kruanh Uỷ ban Trung ương MTTQ Việt Nam Việt Nam gưl 9. Ntoh nau tâm nar rƀŭn, Kruanh Uỷ ban Trung ương MTTQ Việt Nam Đỗ Văn Chiến lah rjăp, nau kan bah MTTQ Việt Nam năm 2021 geh âk nau nơih ueh yơn kŏ nsôih rdâng đah âk nau jêr, nau ntul rlong, ngăn lah nau khuch jru ngăn, geh tât âk ding bah nau srê bah srê Covid-19. Ăp nau tă dơi bah ntrong MTTQ ăp gưl lah nau ân geh rnê. Mpeh nau kan tơm tâm năm 2022, Kruanh Uỷ ban Trung ương MTTQ Việt Nam Đỗ Văn Chiến lah rjăp, Rnâng kan hŏ rđau ndâk nau nchrăp n’hêl, rgum tâm 3 nau kan tơm. Ngoai lah, n’hao nau ngăn, nau nâp nau kan mêt uănh, nkoch mbơh nau. Bar lah, âk ntil ntrong gay rdăt, rgum, rgop nau đă bah cử tri ndrel ƀon lan gay nkoch mbơh năn nau kan đah Đảng ndrel Ngih dak. Tal 3 lah, n’hao nau kan tâm nchră ƀư nau kan njêng n’hâm dăng bah ntrong kan MTTQ tă bah Trung ương tât tâm dâng./.

Nŭih rblang: H’Thi