VOV4.M’nông: Ôi lơ 13/12, ta Hà Nội, tâm rơh rƀŭn nchră nau tal 31, hŏ geh ƀư rơh rƀŭn Ngoại vu lam dak tal 20 đah nau ƀư sŏng ndrel trực tuyến, nthoi đah ăp ntŭk ƀoh tâm dak ndrel dak ba dih. Rơh rƀŭn Ngoại vụ tal 20 lah rnôk khlay gay ma ăp nkuăl, ăp n’gâng kan, ntŭk kan Trung ương, ăp ntŭk kan ntoh măt Việt Nam tâm dak ba dih ndrel ăp dak lam ntur neh ndrel nchră ăp nau tă geh dơi tâm nau tâm nchră tâm nkuăl, leo luh ăp nau kan gay ma n’hao nau tâm rgop, n’hao nau tam bah nau ntrŭnh kan aơ tâm rơh tât. Tâm nar rƀŭn, Kruanh n’gâng kan nchră nau Bùi Thanh Sơn kơp dơn: Ntơm rơh rƀŭn Ngoại vụ lam dak tal 19 năm 2018 tât rnôk aơ, nau kan lam ntur neh ndrel nkuăl hŏ geh âk nau tât jêr, jru. Tâm nê, srê Covid-19 jŏ jong bơi tât 2 năm ma aơ hŏ ndrel dôl ma khuch ngăn tât ăp ding bah nau rêh chính trị, văng sa, rêh jêng bah ăp dak ndrel nau tâm n’ur lam ntur neh. Đah nau rđau kan bah Đảng, nau lăp kan ngăn, tam bah Chính phủ, nau lăp kan bah lam ntrong kan chính trị, ăp n’gor nsôih rlet nau jêr, ntul rlong tâm nau njrăng srê, mât ndrel hun hao văng sa, rêh jêng ndrel tâm rnglăp lam ntur neh./.

Nŭih rblang: H’Thi