VOV4.M’nông: Ta Hà Nội lơ 8/12, N’gâng kan rđau Cảnh sát dak lêng Việt Nam ƀư tơm nar rƀŭn trực tuyến ăp nŭih dâk bôk cảnh sát dak lêng ăp dak Châu Á tal 17 đah nau râng bah ăp nŭih dâk bôk mrôt cảnh sát dak lêng/ƀư nau kan pháp luật tâm dak lêng tâm 20 dak, du nkuăl neh, du ntŭk kan dak ba dih ndrel 3 nŭih mêt uănh. Aơ lah rơh rƀŭn bôk năp geh ƀư đah nau kan trực tuyến. Aơ lah lah nau kan săk tam, rgop nau ƀư ueh nau ntrŭt dăng ndrel n’hao nau tâm boh kan nsum đah rmôt ƀư tĭng pháp luật tâm Châu Á, nkô nau ndrel nau geh dơi nsum tâm nau mât đăp mpăn, nâp ndrel hun hao tâm nkuăl dak lêng nkuăl ndrel lam ntur neh. Rơh rƀŭn nchră geh đah 2 rơh tâm nau khuh răm, pơk ueh, tâm rnơm ndrel sŏng dăng. Aơ lah rơh gay ăp rmôt cảnh sát dak lêng ăp dak tâm joi, uănh năl ndrel ƀư pháp luật tâm dak lêng. Kan nsum ty rklaih ăp nau nkri mô tă geh, ăp nau ntul rlong mhe ntoh tâm dak lêng ân geh n’hao nau tâm boh đah ăp dak ndrel đăp mpăn tâm dak lêng./.

Nŭih rblang: H’Thi