VOV4.M’nông: Ta ngih kan Quốc hội, Hội đồng săch kan neh dak ho\ ntơm r[u\n di\ng le\ tal pe đah nau rđau kan bah Kruanh Quốc hội, Kruanh Hội đồng săch kan neh dak Nguyễn Thị Kim Ngân. Hội đồng săch kan neh dak ho\ mbơh nau ntru\nh mpeh rnoh ntu\k kan săch kan, rnoh ăp ntu\k geh [ư nau săch ndrel du đê\| ntoh măt Quốc hội geh săch bah ăp mrôt săch bah ăp n’gor, nkuăl [on têh tâm Trung ương. Hội đồng săch kan neh dak ntru\nh nau mpeh rnoh rmôt kan geh săch ntoh măt Quốc hội gưl 15 tâm lam dak lah 184 ntu\k.

Ta nar r[u\n tal 3 bah Hội đồng săch kan neh dak ho\ djăt nau geh bah nau mbơh jêh rnôk r[u\n nchră tal bôk năp mpeh rnoh nu\ih, rnoh ntơh măt Quốc hội gưl XV ndrel nau kan bah ăp ntu\k kan, rmôt kan tâm Trung ương ndrel nkuăl nchrăp ân rơh r[u\n tal 2 gay ma ndâk rnoh moh săk ân geh to\ng bah ăp nu\ih ân geh săch lăp [ư ntơh măt Quốc hội, ntơh măt HĐND, nau mbơh mpeh nau kan bah Hội đồng săch kan neh dak ndrel ăp tiểu ban ntơm jêh rnôk r[u\n Hội đồng săch kan neh dak tal 2 tât nrôk aơ, tâm nchră ăp nau mbơh ndrel nchră nau ntru\nh mpeh du đê| rmôt kan, ntu\k kan bah ăp rmôt ndrel rnoh ntơh măt Quốc hội geh săch tâm ăp rmôt geh săch tâm lam dak.

Ntoh nau ta nar r[u\n, Kruanh Quốc hội, Kruanh Hội đồng săch kan neh dak Nguyễn Thị Kim Ngân mbơh:

  ‘Rơh ntơm rnôk aơ tât nar lôch ndơn săm [u\t dăn geh lăp kan mô hôm âk, yor ri ân geh ndal, njrăng rjăp gay ma njêng nau kan ueh nâp ngăn gay ma ntru\nh nau rđau kan, rđau đă tâm lam dak ân geh đăp mpăn ân [on lan, nu\ih [on lan lam dak geh râng geh ân săch lăp, săch du trong ueh [on lan [ư tơm, tâm ban ti\ng di nau ntru\nh bah pháp luật. Rơh săch kan mra geh ntru\nh ueh, têm nkrem ndrel jêng nar r[u\n têh bah [on lan nơm tâm năm 2021”.

Mbơh nau ta nar r[u\n, wa Trần Văn Tuý-Kruanh Rnâng kan ntoh măt, Groi Kruanh tiểu ban săch rnoh nu\ih mbơh: Jêh rơh r[u\n nchră tal bôk năp tâm Trung ương, rmôt kan Kruanh Uỷ ban Trung ương MTTQ Việt Nam ho\ đă Hội đồng săch kan neh dak, Uỷ ban rnâng kan Quốc hội mât ân ueh rnoh ntoh măt bah MTTQ ndrel ăp nu\ih kan ko\ kơt lah rnoh ntoh măt Quốc hội gưl XIV gay mât ndrel [ư ueh nau kan ntoh măt bah [on lan tâm Quốc hội, tâm di đah nau kan nar lơn ma pơk hvi mpeh nu\ioh kan bah MTTQ Việt Nam, gay n’hao rnoh ntoh măt lah nu\ih mô geh lăp Đảng gay đăp mpăn nau tâm di đah rnoh nu\ih mô geh đảng viên ndrel nu\ih geh lăp Đảng, đăp mpănh rnoh bu ur geh mbơh ntoh mẳ Quốc hội gưl XV geh đê| ngăn rlau 35% tâm nroh nu\ih geh săch, nkre ma uănh kơl an rnoh nu\ih ntơh măt Quốc hội ntoh ân rmôt kan, nu\ih blau nau kan, nu\ih ka khoa học, n’hao rnoh nu\ih ntơh măt lah nu\ih rnoi mpôl đê| geh do\ng lăp tâm rmôt ntơh măt Quốc hội.

Rnôk aơ, ăp rmôt kan, ntu\k kan dôl ma ntru\nh [ư ăp nhoat bah nau mbơh nu\ih ân geh lăp săch kan ntơh măt Quốc hội gưl XV ndrel ntợh măt HĐND ăp gưl năm kan 2021-2026, nar du\t lah 11/3 tât. Tâm nau geh rgâl jêh rnôk nchră tal bôk năp, ăp Uỷ ban săch kan bah ăp n’gor, nkuăl [on têh ho\ geh nau ntru\nh mbơh ngăn tâm ăp ntu\k nkoch mbơh nau ndrel njoăl tât ăp ntu\k kan, rmôt kan bah nkuăl mpeh nar, ntu\k ndơn săm [u\t gay ma geh ân săch lăp, nkra mbơh Hội đồng săch kan neh dak.

Jêh geh djăt nau mbơh bah ăp Tiểu ban, Kruanh Quốc hội, Kruanh Hội đồng săch kan neh dak Nguyễn Thị Kim Ngân lah rjăp, tât rnôk aơ, nau kan bah ăp tiểu ban bah Hội đồng săch kan neh dak [ư tâm di nar, nkre đă ntu\k kan bah Hội đồng săch kan neh dak [ư djăt nau rgop, [ư jêh ndrel njoăl nau mbơh tât ăp nu\ih kan sum bah Hội đồng săch kan, ăp ntu\k kan geh tât, nkre kơl mbơh nchră đah ăp ntu\k kan gay ma bonh đă uănh nau ntru\nh [ư ti\ng di nau ntru\nh:

 ‘ Đă ăp tiểu ban bah Hội đồng săch kan neh dak, ntu\k kan Hội đồng săch kan neh dak, ăp ntu\k kan Chính phủ, Trung Ương Mặt trận Tổ quốc Việt Nam kơp uănh ăp nau kan, nau dơi ho\ geh pă, ndal [ư nau kan mpeh săch kan, bonh đă, rđau nau [ư nau ndơn săm [u\t nchrăp ân rơh r[u\n tal 2 gay ma năn nchih moh săk ăp nu\ih geh u\ch lăp kan ndrel nkô| nau mbơh [a [ơ tât Hội đồng săch kan neh dak. Gâp đă ăp ntu\k kan ân geh nchrăp nau kan mêt uănh, năl kloh. Gâp đă, ntru\t dăng, n’hao nau nkoch mbơh nau mpeh nau săhc kan ntoh măt Quốc hội, ntoh măt Hội đồng nhân dân ăp gưl tâm ăp ntu\k nkoch mbơh nau, vay geh nau djăt ti\ng ăp nau mbơh tâm ăp ntu\k nkoch mbơh nau bah neh dak”.

Pơh rlau aơ, Hội đồng săch kan neh dak ho\ mbơh nau ntru\\nh mpeh ntu\k ân geh săch, rnoh mih săk ăp ntu\k kan geh săch ndrel rnoh nu\ih ntoh măt Quốc hội geh săch tâm ăp ntu\k ân geh săch bah ăp n’gor, nkuăl [on têh tâm Trung ương. Ti\ng nê, rnoh rmôt săch kan ntơh măt Quốc hội gưl 15 tâm lam dak lah 184 ntu\k kan./.

Nu\ih rblang: H’Thi